मोठी बातमी! निलेश घायवळला मोठा दणका, अखेर पासपोर्ट रद्द, ऑर्डर जारी…
पुणे : निलेश घायवळ प्रकरणात सर्वात मोठी अपडेट समोर आली आहे. निलेश घायवळचा पासपोर्ट अखेर रद्द करण्यात आला आहे. पासपोर्ट प्रदेश कार्यालयातून याबाबतची ऑर्डर जारी झाली आहे.
पुणे पोलिसांनी काही दिवसांपूर्वी न्यायालयात तसेच पासपोर्ट प्रादेशिक कार्यालयात घायवळ बाबत अहवाल सादर केला होता. पासपोर्ट रद्द झाल्याने निलेश घायवळच्या अडचणी वाढल्या आहेत.
निलेश घायवळ याने खोटी माहिती देखील पासपोर्ट काढला अन् परदेशी फरार झाला आहे. निलेश घायवळने गंभीर गुन्ह्यांमुळे पासपोर्ट मिळणे अवघड असल्याचे लक्षात येताच बनावट कागदपत्रांचा आधार घेतला.
पोलिसांनी तपास केल्यानंतर हे पुरावे पासपोर्ट ऑफिसला पाठवले होते. त्यानंतर कार्यलयाकडून कारवाई करत निलेश घायवाळचा पासपोर्ट रद्द करण्यात आला आहे. ऑर्डरमध्ये विविध मु्द्दे ठिकाणी लिहण्यात आले आहे.
पुण्यातील कोथरूडमधील गोळीबारानंतर कुख्यात गुंड निलेश घायवळ चर्चेत आला होता, त्यावेळी तपासामध्ये समोर आलं की पोलिसांना चकवा देत घायवळ परदेशात पळून गेला. विशेष म्हणजे त्यांच्यावर गंभीर गुन्हे दाखल असताना त्याला पासपोर्ट कसा मिळाला याविषयी पोलिस प्रशासनावरच ताशेरे ओढले जात होते. घायवळने पोलिसांनी केलेल्या चौकशीमध्ये अहिल्यानगरमधील आपल्या गावाच्या पत्तावर त्याने पासपोर्ट काढला.
दरम्यान, विशेष म्हणजे पासपोर्टसाठी त्याने आपल्या आडनावात देखील बदल केला. ‘घायवळ’ ऐवजी ‘गायवळ’ नावाची कागदपत्रे त्याने सादर केली. आता त्याचा पासपोर्ट रद्द करण्यात आला आहे.
गायवळ नावावर कोणतेही गुन्हेगारी कृत्य नोंद नसल्याने पोलिसांनी त्याला एनओसी दिले. तसेच पासपोर्ट ऑफीसला आपल्यावर गुन्हा दाखल नसल्याचे खोटे प्रतिज्ञापत्र देखील त्याने दिले होते. यामुळे त्याला पासपोर्ट मिळाला. मात्र, परदेशात पळून गेलेल्या घायवळचा पासपोर्ट रद्द करण्याचे आदेश पुणे पोलिस आयुक्त अमितेशकुमार यांनी दिले आहेत. निलेश घायवळ याने पासपोर्टसाठी खोटी कागदपत्रे तयार केली.
पोलिस रिकोर्डमध्ये त्याचे नाव निलेश घायवळ आहे. त्यामुळे पासपोर्ट काढण्यासाठी त्याने निलेश गायवळ नावाने आधारकार्ड काढले. गायवळ नावाचे गुन्हेगारी रेकाॅर्ड नसल्याने पासपोर्ट काढणे त्याला शक्य झाले. तसेच पोलिसांना देखील ऑनलाईन यंत्रणेत गायवळच्या नावावर गुन्हे दाखलची माहिती मिळाली नाही. पोलिस आयुक्त अमितेश कुमार यांनी घायवळची बँक खाती गोठवण्यात आली होती.
