ब्रेकिंग! अहमदाबाद विमान अपघातात सर्व २४२ प्रवाशांचा मृत्यू, घटनेने जगभरात हळहळ….
अहमदाबाद : गुजरातमधील अहमदाबाद येथे एअर इंडियाचे प्रवासी विमान कोसळून मोठा विमान अपघात झाला आहे. हे विमान अहमदाबादहून लंडनला जात होते. या अपघातानंतर विमानाला भीषण आग लागली. यामध्ये सर्व २४२ प्रवाशांचा मृत्यू झाल्याची माहिती AP या वृत्तसंस्थेने दिली आहे. यामुळे एकच खळबळ उडाली आहे.
तसेच हे विमान एका विद्यार्थी वसतिगृहात कोसळल्याने याठिकाणी देखील 20 विद्यार्थ्यांचा मृत्यू झाल्याचे सांगितले जात आहे. गुजरातच्या अहमदाबाद हवाई अड्ड्या जवळ आज, गुरुवारी दुपारी २ वाजण्याच्या सुमारास एक मोठा विमान अपघात घडला आहे. अहमदाबाद विमानतळाच्या धावपट्टीजवळून उड्डाण घेताना एक प्रवासी विमान कोसळले.
या विमानात २४२ प्रवासी होते, आणि ते लंडनकडे निघाले होते. या अपघातात गुजरातचे माजी मुख्यमंत्री तथा भाजप नेते विजय रुपानी यांचा देखील मृत्यू झाला आहे. भाजपचे राज्यसभा खासदार परिमल नाथवाणी यांनी सोशल मीडियावर यासंदर्भात माहिती दिली. विमानतळावर मदतकार्य युद्धपातळीवर सुरू असून, अग्निशमन दल आणि बचाव पथक तत्काळ घटनास्थळी पोहोचले आहेत.
या विमानात एकूण ५३ ब्रिटिश नागरिक होते, आणि दुर्घटनेनंतर ब्रिटन सरकारने या नागरिकांना तत्काळ कॉन्सुलर मदत पुरवण्याचे आश्वासन दिले आहे. ब्रिटनचे पंतप्रधान केयर स्टारमर यांनी या घटनेबद्दल तीव्र शोक व्यक्त केला असून, ब्रिटिश प्रशासन भारतीय अधिकाऱ्यांशी संपर्कात आहे.
