पुण्यातील नामांकित कॉलेजच्या हलगर्जीपणामुळे तरुणाला गमवावी लागली नोकरी ; नेमकं काय आहे प्रकरण?
पुणे : पुण्यातील नामांकित कॉलेजच्या हलगर्जीपणामुळे एका तरुणाला ब्रिटनमधील कंपनीतील नोकरी गमवावी लागली असल्याची माहिती समोर आली आहे.मॉडर्न कॉलेजने आपल्या शैक्षणिक कागदपत्रांची पडताळणी करून प्रमाणपत्र देण्यास टाळाटाळ केल्याने आपल्याला ब्रिटनमधील कंपनीतील नोकरी गमवावी लागली आहे,’ असा दावा प्रेम बिऱ्हाडे या तरुणाने केला आहे. सोशल मीडियावर एक व्हिडिओ करत हे प्रकरण काय आहे याची स्वतः माहिती दिली.
समोर आलेल्या माहितीनुसार, प्रेम बिराडे हा तरुण ब्रिटनमधील कंपनीत आहे प्रेम ने प्रोग्रेसिव्ह एज्युकेशन सोसायटीच्या शिवाजीनगर येथील मॉडर्न कॉलेज ऑफ आर्ट्स, सायन्स अँड कॉमर्समध्ये प्रेमने २०२०-२४ या कालावधीत बीबीएचे शिक्षण पूर्ण केले. महाविद्यालयाच्या प्रशासनाने जातीय भेदभाव करून व्हेरिफिकेशन केले नाही,’ असा आरोप त्याने केला.मिळालेल्या माहितीनुसार, प्रेमच्या शैक्षणिक कागदपत्रांची पडताळणी करण्यासाठी ब्रिटनमधील कंपनीने ई-मेलद्वारे कॉलेजला विचारणा केली. मात्र, कॉलेजने पडताळणीला टाळाटाळ केल्याने, स्वत: प्रेमने विभागप्रमुख, उपप्राचार्य आणि प्राचार्यांशी संपर्क साधून पडताळणी करून, प्रमाणपत्र उपलब्ध करून देण्याबाबत पाठपुरावा केला. मात्र, प्राध्यापकांनी आपल्याला जातीबाबत माहिती विचारून, वरिष्ठांच्या आदेशावरून प्रमाणपत्र देता येणार नाही, असे सांगितल्याचा दावा प्रेमने केला आहे. त्यामुळे आता कॉलेजच्या भूमिकेवर संशय व्यक्त केला जात आहे.
दरम्यान, आता कॉलेजने प्रेम ने केलेले सर्व आरोप फेटाळले असून, विद्यार्थ्याला प्रमाणपत्र उपलब्ध करून दिल्याचे सांगितले a. कॉलेजने १४ ऑक्टोबरला प्रमाणपत्र दिल्याचे जाहीर केले. प्रेम हा महाविद्यालयाच्या बदनामीसाठी सोशल मीडियाचा वापर करीत आहे. त्यांची कृती बदनामी, सायबर छळ आणि समाजाला भडकावणे या अंतर्गत येतात. असं कॉलेजला म्हटलं आहे. या प्रकरणी रिपलब्लिकन पार्टी ऑफ इंडिया सचिन खरात गटाचे अध्यक्ष सचिन खरात यांनी प्रेम शी संपर्क साधला आहे.तसेच सावित्रीबाई फुले पुणे विद्यापीठ चे कुलगुरू यांची भेट घेत त्यांना निवेदन दिलं आहे. यावर आता काय प्रतिक्रिया येणार हे पाहणे महत्वाचे ठरणार आहे.
