निकालाची प्रतीक्षा संपणार? 10वी CBSC बोर्डाचा कधी लागणार निकाल? सर्वात मोठी माहिती समोर…

पुणे : देशभरातील लाखो विद्यार्थ्यांची उत्सुकता शिगेला पोहोचली असून CBSE बोर्डाच्या इयत्ता 10वीच्या निकालाची प्रतीक्षा आता संपत आली आहे. फेब्रुवारी आणि मार्चमध्ये पार पडलेल्या या परीक्षेचा निकाल एप्रिलच्या दुसऱ्या किंवा तिसऱ्या आठवड्यात जाहीर होण्याची शक्यता वर्तवली जात आहे.

निकाल अधिकृत संकेतस्थळावर प्रसिद्ध झाल्यानंतर विद्यार्थी आपले गुण ऑनलाइन पाहू शकतील तसेच मार्कशीट डाउनलोडही करू शकतील. यंदा देशभरातून मोठ्या संख्येने विद्यार्थ्यांनी परीक्षेला बसून आपले भविष्य आजमावले आहे.

निकाल जाहीर झाल्यानंतर विद्यार्थ्यांना केवळ अधिकृत वेबसाइटवरच नव्हे, तर DigiLocker आणि UMANG अ‍ॅपच्या माध्यमातूनही डिजिटल मार्कशीट सहज उपलब्ध होणार आहे.

यंदा इयत्ता 10वीच्या बोर्ड परीक्षेसाठी देशभरातून सुमारे 25 लाख विद्यार्थ्यांनी नोंदणी केली होती. ही परीक्षा 17 फेब्रुवारी ते 11 मार्च 2026 या कालावधीत यशस्वीपणे पार पडली.

परीक्षा सुरळीत आणि पारदर्शक पद्धतीने पार पाडण्यासाठी देशभरात तब्बल 8,074 परीक्षा केंद्रांची उभारणी करण्यात आली होती, ज्यामुळे विद्यार्थ्यांना सुरक्षित आणि नियोजनबद्ध वातावरणात परीक्षा देता आली.

गेल्या काही वर्षांचा ट्रेंड पाहता CBSE चा निकाल साधारणपणे मे महिन्यात जाहीर केला जातो. मात्र यंदा उत्तरपत्रिकांच्या मूल्यांकन प्रक्रियेला वेग आल्याने निकाल अपेक्षेपेक्षा लवकर जाहीर होण्याची शक्यता व्यक्त केली जात आहे.

त्यामुळे विद्यार्थी आणि पालकांनी निकाल पाहण्यासाठी लागणारे रोल नंबर, शाळा क्रमांक आणि इतर आवश्यक तपशील आधीच तयार ठेवणे गरजेचे आहे, जेणेकरून निकाल जाहीर होताच कोणतीही अडचण न येता तो सहज पाहता येईल.

CBSE चा निकाल पाहण्यासाठी विद्यार्थ्यांकडे काही महत्त्वाची माहिती तयार असणे आवश्यक आहे. यामध्ये रोल नंबर, शाळा क्रमांक, ॲडमिट कार्ड आयडी आणि जन्मतारीख यांचा समावेश होतो. या तपशीलांच्या आधारे विद्यार्थी अधिकृत संकेतस्थळावर लॉगिन करून आपला निकाल सहज पाहू शकतात.

निकाल कुठे पाहता येईल?

निकाल जाहीर झाल्यानंतर विद्यार्थी खालील अधिकृत संकेतस्थळांवरून आपले गुण तपासू शकतात –

cbse.gov.in
results.cbse.nic.in
results.nic.in
results.digilocker.gov.in
umang.gov.in

याशिवाय, DigiLocker आणि UMANG अ‍ॅपच्या माध्यमातूनही विद्यार्थ्यांना डिजिटल मार्कशीट डाउनलोड करण्याची सुविधा उपलब्ध असणार आहे.

विद्यार्थी आणि पालक DigiLocker अ‍ॅप किंवा अधिकृत वेबसाइटच्या माध्यमातून डिजिटल मार्कशीट सहज डाउनलोड करू शकतात. यासाठी सर्वप्रथम DigiLocker वर लॉगिन करणे आवश्यक आहे.

लॉगिन केल्यानंतर ‘CBSE’ विभाग निवडून त्यामध्ये रोल नंबर, शाळा क्रमांक यांसारखी आवश्यक माहिती भरावी लागते. ही प्रक्रिया पूर्ण झाल्यानंतर विद्यार्थ्यांना त्यांचे गुणपत्रक डाउनलोड करता येते.

महत्त्वाचे म्हणजे, DigiLocker वर उपलब्ध असलेले हे डिजिटल प्रमाणपत्र शासकीयदृष्ट्या वैध मानले जाते आणि पुढील शैक्षणिक प्रवेश प्रक्रियेतही ते वापरता येते.