ऐतिहासिक ‘शिवचातुर्य दिना’च्या वर्धापन दिनानिमित्त गरुड झेप मोहिम ; आग्रा ते रायगड पदयात्रा , सायकल मोहिम ; आ.राहुल कुल यांच्या उपस्थितीत मोहिमेचा शुभारंभ ….
पुणे : आज १७ ऑगस्ट १६६६ या ऐतिहासिक ‘शिवचातुर्य दिना’च्या ३५८ व्या वर्धापनदिनाचे औचित्य साधून’ गरुड झेप मोहीम’ संस्थेच्या वतीने आग्रा ते रायगड अशा १३१० किमी पदयात्रा व सायकल रॅली अभियानाचा आज भव्य प्रारंभ झाला. या प्रेरणादायी कार्यक्रमात छत्रपती शिवाजी महाराजांच्या आग्रा सुटकेच्या धाडसाचे व स्वाभिमानाचे स्मरण करण्यात आले.
कार्यक्रमासाठी प्रमुख अतिथी म्हणून मराठी भाषा व सांस्कृतिक कार्यमंत्री डॉ. आशिषजी शेलार, तसेच उत्तर प्रदेशचे उच्चशिक्षण मंत्री मा. योगेंद्रजी उपाध्याय, दौंड भाजप आमदार ऍडव्होकेट राहुलदादा कुल व भाजप महिला मोर्चा राज्य उपाध्यक्षा कांचन कुल, भाजपा आमदार संजय उपाध्याय हे उपस्थित होते. त्यांच्या उपस्थितीमुळे कार्यक्रमाला विशेष महत्त्व लाभले. कार्यक्रमाला संयोजक मारुती (आबा) गोळे, अभय (आबा) गोटे व अध्यक्ष राकेश विलासराव विधाते, यांसह अनेक पदाधिकारी, स्वयंसेवक व नागरिक मोठ्या संख्येने उपस्थित होते.
या ऐतिहासिक पदयात्रेनिमित्त आयोजकांनी शिवाजी महाराजांच्या आदर्शांनुसार सामाजिक एकता, स्वाभिमान व राष्ट्राभिमान यांच्या जोपासनेचा संकल्प व्यक्त केला.
