सोनं खरेदी करणाऱ्यांना झटका? अडीच लाखांपर्यत वाढणार किंमत?, महत्वाची माहिती आली समोर..
नवी दिल्ली : सोना कितना सोना है… बहुतांश लोकांना सोन्याचे दागिने घालायची आवड असते. भारतात जवळपास प्रत्येक सोन्याचे दागिने असताततच. पण गेल्या काही काळात सोन्याच्या दरात सातत्याने वाढ होताना दिसत आहे. काही काळापूर्वी सोन्याची किंमत ५० हजार रुपयांपेक्षा कमी होती.
मात्र आज त्यच्या सोन्याचा भाव हा १ लाखांवर पोहोचला आहे. गेल्या सहा वर्षांत सोन्याच्या दरात तब्बल २०० टक्क्यांनी वाढ झाली आहे. या वाढत्या किमती पाहता, भविष्यात सोन्याचा भाव अडीच लाख रुपयांपर्यंत पोहोचू शकेल का, असा प्रश्न अनेकांना पडला आहे.
सोन्याच्या किमतीत होणारी ही वाढ पाहून अनेक लोकांच्या मनात हा प्रश्न निर्माण होत आहे की, सोन्याचे दर इतके का वाढत आहेत? याचे मुख्य कारण जागतिक तणाव असल्याचे तज्ज्ञ सांगतात. सध्या रशिया-युक्रेन युद्ध, इराण-इस्रायल संघर्ष यांसारख्या भू-राजकीय घटनांमुळे जागतिक बाजारपेठेत अनिश्चितता निर्माण झाली आहे.
अशा परिस्थितीत, गुंतवणूकदार सुरक्षित गुंतवणुकीचा पर्याय म्हणून सोन्याकडे वळतात, ज्यामुळे त्याची मागणी वाढते आणि परिणामी किंमतही वाढते. कोविड-१९ महामारी आणि आर्थिक अनिश्चिततेचाही यावर परिणाम झाला आहे.
गुंतवणूकदारांसाठी सोने नेहमीच एक सुरक्षित आणि विश्वासार्ह पर्याय राहिला आहे. एप्रिल २०२५ मध्ये, एमसीएक्समध्ये १० ग्रॅम सोन्याचे मूल्य १,०१,०७८ रुपयांपर्यंत पोहोचले होते. ‘लाईव्ह मिंट’च्या अहवालानुसार, या किमतीतील वाढ पाहता, तज्ज्ञांनी असा अंदाज वर्तवला आहे की पुढील पाच वर्षांत सोन्याचा भाव २,२५,००० रुपयांपर्यंत पोहोचू शकतो. जर सोन्याच्या किमतीत २०१९ ते २०२५ या कालावधीत दरवर्षी १८ टक्क्यांची वाढ होत राहिली, तर ही किंमत अडीच लाख रुपयांपर्यंत पोहोचू शकते.
सोन्याच्या किमतीच्या भविष्याबाबत मात्र वेगवेगळे अंदाज वर्तवले जात आहेत. एका बाजूला काही तज्ज्ञ किमती वाढण्याची शक्यता व्यक्त करत असताना, दुसऱ्या एका अहवालात सोन्याचा बाजार आता ‘एकत्रीकरणाच्या टप्प्यात’ प्रवेश करत असल्याचे म्हटले आहे. जर जगात कोणतीही मोठी घटना किंवा आंतरराष्ट्रीय तणाव निर्माण झाला नाही, तर सोन्याच्या किमती काही काळ स्थिर राहू शकतात, असा या अहवालाचा सूर आहे.
