नोकरीच्या शोधात असलेल्यांसाठी सुवर्णसंधी! १० वी पास उमेदवारांसाठी सुरक्षा दलात भरती, जाणून घ्या…

मुंबई : सुरक्षा दलात नोकरी करण्याची इच्छा असलेल्या तरुणांसाठी एक आनंदाची बातमी समोर आली आहे. सेंट्रल इंडस्ट्रियल सिक्युरिटी फोर्स मार्फत मोठी भरती प्रक्रिया सुरू झाली आहे.

दरम्यान, ११६१ कॉन्स्टेबल/ट्रेड्समन पदांसाठी अर्ज प्रक्रिया ५ मार्च २०२५ पासून सुरू झाली असून, अर्ज करण्याची अंतिम तारीख ३ एप्रिल २०२५ आहे. इच्छुक उमेदवारांनी अधिकृत वेबसाइट cisfrectt.cisf.gov.in वर जाऊन अर्ज करावा.

शैक्षणिक पात्रता आणि वयोमर्यादा..

उमेदवार १० वी उत्तीर्ण किंवा समकक्ष पात्रता धारक असावा.
संबंधित ट्रेडमध्ये आयटीआय (ITI) उत्तीर्ण उमेदवारांना प्राधान्य दिले जाईल.
१ ऑगस्ट २०२५ रोजी उमेदवारांचे वय १८ ते २३ वर्षे असावे.
SC/ST उमेदवारांना ५ वर्षे आणि OBC उमेदवारांना ३ वर्षे वयाची सवलत देण्यात आली आहे.

या भरतीत ११६१ पदे उपलब्ध आहेत….

कॉन्स्टेबल (कुक) – ४९३ पदे
कॉन्स्टेबल (कॉबलर) – ९ पदे
कॉन्स्टेबल (टेलर) – २३ पदे
कॉन्स्टेबल (बार्बर) १९९ पदे
कॉन्स्टेबल (वॉशरमन) – २६२ पदे
कॉन्स्टेबल (स्वीपर) – १५२ पदे
इतर तांत्रिक पदे – २३ पदे

अर्ज प्रक्रिया आणि परीक्षा शुल्क..

ऑनलाइन अर्ज प्रक्रिया: ५ मार्च २०२५ पासून सुरू.
अर्ज करण्याची शेवटची तारीख: ३ एप्रिल २०२५
जनरल आणि OBC उमेदवारांसाठी – ₹१००
SC/ST आणि माजी सैनिक (ExSM) उमेदवारांसाठी – शुल्क माफ

CISF मध्ये स्थिर आणि प्रतिष्ठित नोकरी मिळवण्याची ही उत्तम संधी आहे. इच्छुक उमेदवारांनी अधिकृत वेबसाइट cisfrectt.cisf.gov.in वर जाऊन अर्ज करावा.