स्वारगेट बलात्कार प्रकरणी आरोपीची माहिती देणाऱ्यास एक लाखाचे बक्षीस, पोलीस प्रशासन आरोपीच्या मागावर…
पुणे : पुण्यातील मध्यवर्ती भागामध्ये २६ वर्षीय तरुणीवर अत्याचार झाल्याचे समोर आले आहे. स्वारगेट बसस्थानकावरील शिवशाही बसमध्ये तरुणीवर अत्याचार करण्यात आला आहे. हा प्रकार पहाटेच्या सुमारास घडला आहे.
त्यानंतर आरोपी आरोपी फरार आहे. मात्र आता पोलिसांनी आरोपी दत्तात्रय रामदास गाडे (वय. ३७ वर्षे) हा फरार असल्याने याची माहिती देणाऱ्याला एक लाख रुपये बक्षीस देण्याची घोषणा केली आहे.
तसेच अधिक माहिती अशी की, स्वारगेट डेपोत आपल्या गावी चाललेल्या २६ वर्षीय तरुणीवर अतिप्रसंग करून आरोपी दत्तात्रय रामदास गाडे( वय. ३७ वर्षे) रा. गुनाट, ता. शिरूर, जि. पुणे) हा फरार झाला होता. पोलिसांनी गुन्हेगारास शोधण्यासाठी आठ पोलिस पथकं रवाना केली आहेत.
मात्र या घटनेला होऊन तीन दिवस होत आहेत तरी अजून आरोपी सापडत नसल्याने अखेर स्वारगेट पोलिसांनी आरोपीची माहिती देणारास एक लाख रुपयाचे बक्षीस देण्याचे घोषित केले आहे. दरम्यान, आरोपीची माहिती देणाराचे नाव गुपित ठेवण्यात येणार आहे. या संबंधित स्वारगेट पोलिसांनी माहिती पत्रक जारी केले आहे.
