पिकअप वाहन उलटून भीषण अपघात; १४ ठार, २० जखमी..
भोपाळ : मध्य प्रदेशातील डिंडोरीमध्ये पिकअप वाहन अनियंत्रित होऊन पलटल्यामुळे एक भीषण अपघात १४ जणांना मृत्यू, तर २० जण जखमी झाल्याची धक्कादायक घटना शहपुरा पोलीस स्टेशनच्या हद्दीतील बडझर घाटातुन समोर आली आहे.
मिळालेल्या माहितीनुसार, सर्वजण एक कार्यक्रम करुन घरी परतत होते. जखमींना शहपुरा आरोग्य केंद्रात दाखल करण्यात आले असून त्यांच्यावर उपचार सुरु आहेत. काही जणांची स्थिती गंभीर असल्याचं सांगण्यात येत आहे. दिंडोरीच्या जिल्हाधिका-यांनी यासंदर्भातील माहिती दिली आहे.
त्यानंतर मध्य प्रदेशचे मुख्यमंत्री मोहन यादव यांनी या घटनेवर दु:ख व्यक्त केले आहे. त्यांनी मृतांच्या कुटुंबियांना प्रत्येकी ४ लाखांची मदत जाहीर केली आहे. एक्सवर पोस्ट करुन त्यांनी यासंदर्भातील माहिती दिली आहे.
दरम्यान, हा अपघात इतका भीषण होता की १४ जणांचा जागीच मृत्यू झाला आहे. तर २० जण जखमी झाले आहे. जखमींना शहपुरा आरोग्य केंद्रात दाखल करण्यात आले असून त्यांच्यावर उपचार सुरु आहेत.
