Pune Traffic : पुणे शहराचा वाहतुकीचा जगात डंका! वाहतूक कोंडीत जगात सातवा क्रमांक…

Pune Traffic : विद्येचे माहेरघर म्हणून पुणे शहराला जगभरात ओळखले जाते. शिक्षणासोबतच आता वाहतूक कोंडीत जगात सातव्या क्रमांकावर आहे. पुण्यातील वाहतूक कोंडीने मुंबई, दिल्लीलाही मागे टाकले आहे. जगभरातील ३८७ शहरांतील वाहतूक कोंडीबाबतचा एम्स्टर्डमच्या टॉमटॉमने एक रिपोर्ट जारी केला.

त्या रिपोर्ट्सनुसार, जगभरातील सर्वाधिक वाहतूक कोंडी होणाऱ्या शहरात पुणे सातव्या क्रमांकावर आहे. तर भारतातील दुसरे शहर ठरले आहे. पुण्याने मुंबई आणि दिल्ली या शहरांना मागे टाकले आहे. Pune Traffic

पुण्यात वाहतूक कोंडी वाढण्याची कारणे पुढीलप्रमाणे…

रस्त्यांची कमी रुंदी
पुण्यात रस्ते रुंदीकरण करण्यासाठी सहाशे कोटी रुपयांहून अधिक रकमेची गरज आहे. मात्र महापालिका त्यासाठी फक्त एकशे वीस कोटी रुपये देत आहे. त्यामुळं रस्ते अरुंद पडत आहेत. या सगळ्याचा परिणाम खाजगी वाहनं वाढण्यावर झाला आहे. पुण्यात 45 लाख खाजगी वाहनं आहेत त्यापैकी 34 लाख दुचाकी आहेत .

नियोजनचा अभाव
रस्त्याची उभारणी करताना महापालिका इतर यंत्रणा उदाहरणार्थ मेट्रो, स्मार्ट सिटी यांच्यासोबत को-ऑर्डिनेशन ठेवण्यात कमी पडत आहे. त्यामुळे वाहतूक कोंडी वाढत आहे.

सार्वजनिक वाहतूक व्यवस्थेचा अभाव
पुण्यात PMPML सार्वजनिक बससेवा सुरु आहे. ही बस वेगवेगळ्या परिसरात प्रवाशांसाठी सेवा देते. कमी पैशात अनेक पुणेकर या बसने प्रवास करतात. मात्र ही बससेवा पूर्णपणे कमकुवत असल्यानं लोक खाजगी वाहनांना पसंती देतात.

रोड आर्किटेक्चर पूर्णपणे अपयशी
पुण्यात रोड आर्किटेक्चर पूर्णपणे अपयशी ठरलं आहे. त्यामुळं अनेक उड्डाणपूल पडावे लागले. तर जे भुयारी मार्ग किंवा अंडरपास आहेत. ते पुन्हा सिग्नलला येऊन मिळत असल्याने तिथे पुन्हा वाहतूक कोंडी होताना दिसते.