हॉटेलमध्ये गेला अन् आईसह चार बहिणींची हत्या, धक्कादायक घटनेने सगळेच झाले सुन्न…
उत्तर प्रदेश : राज्यातील गुन्हेगारी वाढते आहे असं म्हटलं तरी हरकत नाही. कोयता घेऊन रस्त्याने फिरणे, टोळा धाडी, गाड्या जाळणे एवढंच नाही तर शुल्लक रकमेसाठी हात तोडण्यासारख्या अंगावर काटा आणणारे प्रकार सध्या वेगात वाढले आहेत.
उत्तर प्रदेशातील लखनऊमध्ये एक हृदयद्रावक घटना समोर आली आहे. येथील एका हॉटेलमधून चार मुली आणि त्यांच्या आईचे मृतदेह सापडला आहे. आश्चर्याची बाब म्हणजे चार मुलींपैकी दोन मुली अल्पवयीन आहेत.
अर्शद (वय.२४) असे संशयित आरोपीचे नाव आहे. तर आलिया (वय. ९), अल्शिया (वय.१९), अक्सा (वय.१६), रहमीन (वय.१८)आणि अस्मा असे मृत आईचे नाव आहे.
सविस्तर माहिती अशी की, ही घटना लखनऊच्या नाका पोलीस स्टेशन परिसरात घडली. आग्रा येथील रहिवासी असलेले हे कुटुंब लखनऊमधील हॉटेल शरणजीतमध्ये थांबले होते. या घटनेनंतर पोलिसांनी मुलाला ताब्यात घेऊन चौकशी सुरू केली आहे.
प्राथमिक तपासात कौटुंबिक वादातून समोर आले आहे. पोलिसांनी मृतदेह ताब्यात घेऊन पोस्टमार्टमसाठी पाठवले आहेत. चौकशीत त्याने खुनाची कबुली दिली.
त्याने पोलिसांना सांगितले की, त्याचे कुटुंबियांशी काही कारणावरून वाद होत होते, त्यामुळेच त्याने हा गुन्हा केला आहे. आरोपी अर्शद हा मूळचा इस्लाम नगर, टिहरी बगिया, आग्रा येथील कुबेरपूरचा रहिवासी असल्याचे सांगितले जात आहे.
