मोठी बातमी! पुणे – नगर रस्त्यावर पीएमटीच्या दोन बसची समोरासमोर धडक; २९ प्रवासी गंभीर जखमी..

पुणे : पुणे नगर रस्त्यावर बीआरटी मार्गात दोन बसची समोरासमोर धडक झाली. अपघातात चालक आणि वाहकासह २९ प्रवासी जखमी झाले आहेत. महपालिका ते तळेगाव ढमढेरे मार्गावरील बस ही बीआरटी मार्गातून निघाली होती.

त्यावेळी वाघोलीकडून निघालेली बस आदळली. बसमधील चालक वाहक आणि प्रवासी जखमी झाले.

जखमींमध्ये १७ महिलांचा समावेश असून जखमींना ससून रुग्णालयात दाखल करण्यात आले आहे. जखमींच्या चेहरा आणि हाताला दुखापत झाल्याची माहिती आहे.