सलमान खानचा खूनाचा कट रचणाऱ्या लॉरेन्स बिष्णोई टोळीतील पाचव्या आरोपीला हरियाणातून अटक! आरोपीकडून धक्कादायक माहिती उघड ..!!

Salman Khan : बॉलिवूड अभिनेता सलमान खानवर पुन्हा हल्ला करण्याचा कट रचल्याप्रकरणी पाचव्या आरोपीला अटक करण्यात आली आहे. 30 वर्षीय जॉनी वाल्मिकीला हरियाणातील भिवानी येथून अटक करण्यात आली आहे. नवी मुंबई पोलीस सूत्रांनी दिलेल्या माहितीनुसार, सलमान खानच्या हत्येसाठी लॉरेन्स बिश्नोई आणि त्याच्या टोळीने नवा कट रचला होता. याच प्रकरणात आणखी एका आरोपीला अटक करण्यात आली आहे. नवी मुंबई पोलिसांकडून मिळालेल्या माहितीच्या आधारे हरियाणा पोलिसांनी ही अटक केली आहे.

 

हरियाणा पोलिसांनी 37 वर्षीय जॉनी वाल्मिकी नावाच्या आरोपीला भिवानी येथून अटक केली आहे. जॉनी वाल्मिकीला शनिवारी अटक करण्यात आली. लवकरच त्याला नवी मुंबई पोलिसांच्या ताब्यात देण्यात येणार आहे. मुंबई पोलिसांच्या तपासात अनेक महत्त्वाचे खुलासे होऊ शकतात.

 

एप्रिल महिन्यात ४ आरोपींना अटक करण्यात आली

सलमान खानच्या हत्येचा कट लॉरेन्स बिश्नोई आणि त्याच्या टोळीकडून रचला जात होता. नवी मुंबई पोलिसांनी हा कट उधळून लावत एप्रिल महिन्यात चार आरोपींना अटक केली. त्याच्या चौकशीतच जॉनी वाल्मीकीचे नाव पुढे आले. यानंतर ही माहिती नवी मुंबई पोलिसांनी हरियाणा पोलिसांना दिली.