धक्कादायक! ७३ वर्षाच्या वृद्धाने केला २७ वर्षीय तरुणीचा विनयभंग, घटनेने पुणे हादरले…
पुणे : शहरात महिला अत्याचाराच्या घटनांमध्ये अलीकडे वाढ होताना दिसत आहेत. बलात्कार, विनयभंग, छेडछाड अशा दिवसाला एक ते दोन घटना दररोज घडत आहेत. सध्या अशीच एक धक्कादायक घटना समोर आली आहे.
पुण्यात एका ७३ वर्षाच्या आजोबांने चक्क एका आपल्या नातीच्या वयाच्या तरुणीचा विनयभंग केला आहे. ही तरुणी एका रुग्णालयात रिसेप्शनिस्टचं काम करते. या प्रकरणी विश्रामबाग पोलिस ठाण्यात गुन्हा दाखल करण्यात आला आहे.
पुणे शहरातील विश्रामबाग रोड परिसरात एक खाजगी दवाखाना आहे. या दवाखान्यात ही तरुणी काम करते. याच ठिकाणी तिचा विनयभंग करण्यात आला. सर्वां समोर ही घटना घडल्याने सर्वच जण हादरून गेले आहेत.
मिळालेल्या माहिती नुसार, ७३ वर्षीय म्हाताऱ्याने या तरुणी बरोबर अश्लील वर्तन केल्याचा आरोप आहे. शिवाय हा वृद्ध माणूस तिच्यावर मानसिक दबाव आणत होता असा आरोप तिने आपल्या तक्रारीत केला आहे. या घटनेनंतर तरुणीने तातडीने विश्रामबाग पोलिस स्टेशनमध्ये धाव घेतली.
तिने आपल्या सोबत झालेला सर्व प्रकार पोलिसांना सांगितला. पोलिसांनी ही घटनेचे गांभिर्य लक्षात घेवून तातडीने कारवाई केली. या प्रकरणी पोलिसांनी आरोपी वृद्ध व्यक्तीला अटक केली आहे. शिवाय नक्की प्रकार काय आहे याचा तपास पोलिस आता करत आहे. पण या घटनेनं पुन्हा एकदा पुण्याकडे बोट उचलले जात आहे.
