Shirur Crime : शिरूरमध्ये अल्पवयीन मुलीला लग्नाचे आमिष दाखवून केला बलात्कार, घटनेने तालुक्यात खळबळ…

Shirur Crime : शहरात महिला अत्याचाराच्या घटनांमध्ये अलीकडे वाढ होताना दिसत आहेत. बलात्कार, विनयभंग, छेडछाड अशा दिवसाला एक ते दोन घटना दररोज घडत आहेत. सध्या अशीच एक धक्कादायक घटना शिरूर तालुक्यातून समोर आली आहे.

एका अल्पवयीन मुलीला लग्नाचे आमिष दाखवून तिचे फोटो काढून व्हायरल करण्याची तसेच कुटुंबीयांना मारण्याची धमकी देत बलात्कार केल्याची धक्कादायक घटना घडली आहे. याप्रकरणी पीडित मुलीने शिक्रापूर पोलिस ठाण्यात तक्रार दाखल केली आहे.

त्यानुसार शिक्रापूर पोलिसांनी आरोपी रोहन नप्ते याच्या विरोधात बाललैंगिक अत्याचार विरोधी कायद्यान्वये गुन्हा दाखल केला आहे.

पोलिसांनी दिलेल्या माहितीनुसार, एका अल्पवयीन मुलीची रोहन नप्ते या युवकाशी काही दिवसांपूर्वी ओळख झाली होती. रोहनने पीडित मुली सोबत ओळख वाढवून तिचे काही फोटो काढले. Shirur Crime

पुढील काही दिवसांत त्याने अल्पवयीन मुलीला लग्नाचे आमिष दाखवत एका हॉटेलमध्ये घेऊन जात तिच्यावर बलात्कार केला. याप्रकरणी अत्याचार सहन न झाल्याने पीडित मुलीने शिक्रापूर पोलिस ठाण्यात फिर्याद दिली.

दरम्यान, शिक्रापूर पोलिसांनी रोहन नप्ते याच्याविरुद्ध बाललैंगिक अत्याचाराचा गुन्हा दाखल केला आहे. पुढील तपास सहाय्यक महिला पोलिस उपनिरीक्षक रोहिणी सोनावले हे करत आहेत.