ब्रेकिंग! मावळ तालुक्यातील शिरगाव गावचे विद्यमान सरपंच प्रवीण गोपाळे यांची हत्या; जिल्ह्यात खळबळ…!
मावळ : शिरगावच्या सरपंचांवर चार ते पाच जणांच्या टोळक्याचा प्राणघातक हल्ला केल्याची घटना समोर आली आहे. काल (दि.१) रात्री १० च्या दरम्यान शिरगाव चौकात हा हल्ला झाला. यामध्ये संबंधित सरपंच प्रविण गोपाळ यांची हत्या झाली आहे.
प्रविण गोपाळे (रा. शिरगाव, ता. मावळ, जि. पुणे) असे हल्ला झालेल्या सरपंचाचे नाव आहे. याप्रकरणी शिरगाव पोलीस ठाण्यात चार ते पाच जणांच्या टोळक्या विरोधात गुन्हा दाखल करण्याचे काम सुरू आहे.
मिळालेल्या माहितीनुसार, शिरगावचे नवनिर्वाचित सरपंच प्रविण गोपाळे हे शिरगाव चौकात असताना अचानक चार ते पाच जणांच्या टोळक्याने त्यांच्यावर जीवघेणा हल्ला केला. याची माहिती मिळताच शिरगाव-परंदवडी पोलीस तत्काळ घटनास्थळी दाखल झाले. त्यांना पुढील उपचारार्थं पवना हॉस्पिटल, सोमाटणे येथे दाखल करण्यात आले होते तिथे त्यांना मयत घोषीत करण्यात आले आहे.
दरम्यान, या हल्ल्यामागचे कारण अद्याप स्पष्ट झाले नसून गोपाळे हे नुकतेच शिरगाव ग्रामपंचायतच्या सरपंच पदावर विराजमान झाले होते. पुढील तपास शिरगाव-परंदवडी पोलीस करत आहेत.
