Raj Thackeray : मनसेला निवडणूक आयोगाकडून सर्वात मोठा धक्का! प्रत्यक्ष निवडणुकीआधीच…
Raj Thackeray : सध्या विधानसभा निवडणुकीची रणधुमाळी सुरु आहे. अशातच महाराष्ट्र नवनिर्माण सेनेचे अध्यक्ष राज ठाकरे यांनी विधानसभा निवडणुकीमध्ये तब्बल २५० च्या आसपास जागा लढवण्याची घोषणा केली होती. मात्र आता पूर्ण तयारीने निवडणुकीच्या रिंगणात उतरण्या पूर्वीच मनसेला मोठा धक्का बसला आहे.
मनसेचे अध्यक्ष राज ठाकरे यांनी २५० जागा लढवण्याची घोषणा केल्यानंतर पक्षाने विविध उमेदवार जाहीर केले होते. पण, अकोला पश्चिम विधानसभा मतदारसंघात मनसेने निवडलेले उमेदवार प्रशांत आंबेरे यांचा उमेदवारी अर्ज निवडणूक आयोगाने रद्द केला आहे.
प्रशांत आंबेरे यांनी निवडणूक आयोगाच्या निकषांचे पालन न केल्यामुळे त्यांचा अर्ज रद्द करण्यात आला. आयोगाच्या नियमांनुसार, उमेदवाराला विधानसभा निवडणुकीसाठी वयाची २५ वर्षे पूर्ण असावी लागते. मात्र, प्रशांत आंबेरेंच्या वयात २४ दिवसांची कमतरता असल्याने ते उमेदवार म्हणून अपात्र ठरले आहेत. Raj Thackeray
दरम्यान, यामुळे मनसेच्या योजनेवर एक मोठे प्रश्नचिन्ह उभा राहिले आहे, कारण या प्रकरणामुळे पक्षाची तयारी आणि उमेदवार निवडणूक प्रक्रियेत खूप मोठा धक्का बसला आहे. अकोला पश्चिमच्या उमेदवारीवर चर्चेचा बाजार गरम झाला आहे. प्रशांत आंबेरेंचा अर्ज रद्द झाल्याने मनसेला इतर उमेदवार शोधण्याची गरज भासणार आहे.
या घटनेने पक्षाच्या कार्यकर्त्यांमध्ये चिंतेचे वातावरण आहे, कारण हा निर्णय राज ठाकरे यांच्या नेतृत्वावरही प्रश्न उपस्थित करतो. आता मनसेला या परिस्थितीवर मात करण्यासाठी तातडीने उपाययोजना करावी लागेल, अन्यथा त्यांना संभाव्य मतदारांचा विश्वास गमावण्याचा धोका आहे.
