Rain Update : पुणे, मुंबईत पुढील ७२ तास महत्वाचे, पडणार मुसळधार पाऊस, वाचा हवामान विभागाचा अंदाज…

Rain Update : राज्यात पुन्हा एकदा मुसळधार पावसाने हजेरी लावली आहे. मुंबईसह कोकण किनारपट्टीवर पुन्हा एकदा पाऊस सक्रिय झाला आहे. आज पुणे, मुंबई, रायगड, रत्नागिरी आणि सिंधुदुर्ग भागात पावसाची शक्यता आहे. या भागांमध्ये काही प्रमाणात ढगाळ वातावरण राहिल असा अंदाज हवामान विभागाने वर्तवला आहे.

तसेच हवेचा दाब अनुकूल होत असल्यामुळे राज्यात २५ ऑगस्टपासून पुन्हा एकदा मान्सून सक्रिय होत आहे. मान्सून सक्रीय होण्याची सुरूवात मुंबई व पुणे शहरातून होणार आहे. येत्या ७२ तासांमध्ये या दोन्ही शहरांमध्ये मुसळधार पावसाचा इशारा देण्यात आला आहे. राज्यात मान्सून २५ ऑगस्ट ते १२ सप्टेंबरपर्यंत असे सलग तीन आठवडे सक्रिय राहणार आहे.

आज (ता.२१) पूर्ण राज्याला यलो अलर्ट देण्यात आला आहे. विदर्भ, कोकण, मध्य महाराष्ट्रातील काही भागांमध्ये मुसळधार ते मध्यम स्वरुपाचा पाऊस सुरू आहे. तर मराठवाड्यात कमी प्रमाणात पाऊस सुरू आहे. केरळ ते गुजरात भागात पुन्हा कमी दाबाचा पट्टा सक्रिय होत आहे. त्यामुळे मान्सून राज्यात सक्रिय होत आहे. Rain Update

दरम्यान, मुंबई, पुणे शहराला आज या दोन्ही शहरांना सतर्कतेचा इशारा देण्यात आला आहे. या दोन शहरांवर क्युम्युनोलिंबस ढगांची गर्दी झाली आहे.या दोन शहरांसह आज संपूर्ण राज्याला यलो अलर्ट देण्यात आला आहे.