Pune News : धक्कादायक! कचऱ्यात सापडले नवजात अर्भक, सिंहगड रस्ता परिसरातील घटनेने खळबळ..
Pune News : पुण्यातील सिंहगड रस्ता परिसरात एक धक्कादायक घटना समोर आली आहे. याठिकाणी एक पुरुष जातीचे नवजात अभ्रक कचऱ्यात सापडल्याने परिसरात एकच खळबळ उडाली आहे.
सिंहगड रस्ता परिसरातील धायरी फाटा येथील सणस शाळेजवळील एका दुकानासमोरील रस्त्यावर शुक्रवारी (ता. १५) सकाळी आठच्या सुमारास हे अभ्रक सापडले आहे. या घटनेची माहिती मिळताच सिंहगड रस्ता पोलीस ठाण्यातील पोलिसांनी घटनास्थळी धाव घेत अर्भक ताब्यात घेऊन ससूनला पाठवले आहे.
मिळालेल्या माहिती नुसार, शुक्रवारी (ता.१५) सकाळी आठच्या सुमारास एका कचरा वेचणाऱ्या व्यक्तीला कचऱ्याच्या ढिगाऱ्यात नवजात अर्भक दिसले. त्याने लगेच याबाबत पोलिसांना माहिती दिली. पोलिसांनी तातडीने घटनास्थळी जाऊन अर्भक ताब्यात घेऊन ससून हॉस्पिटलमध्ये पाठवले. Pune News
याप्रकरणी सिंहगड रोड पोलीस ठाण्यात गुन्हा दाखल करण्यात आला आहे. याबाबत पोलिसांनी तपास सुरु केला असून हे बाळ कोणाचं आहे आणि असे कोण निर्दयी आई-बाप आहेत, ज्यांनी पोटच्या गोळ्याला असे कचऱ्यात फेकून दिले. याचा तपास सिंहगड रोड पोलीस करीत आहेत.
दरम्याने, याबाबत अधिक माहिती मिळवण्यासाठी पोलिसांनी स्थानिकांची आणि प्रत्यक्षदर्शींची चौकशी करणार असल्याचे पोलिसांनी सांगितले. तसेच हे अर्भक कचराकुंडीत कोणी फेकलं हे शोधण्यासाठी परिसरातील सीसीटीव्ही फुटेज तपासले जाणार आहे.
