Pune News : माझ्या मुलाचं निधन झालंय, घरासमोर डीजे लावू नका, आरोपींना राग अनावर, २१ जणांची कुटुंबाला कोयत्याने मारहाण..

Pune News पुणे : सध्या गावागावात गणपतीचा उत्साह सुरू आहे. त्यातच या गणेश उत्सवाला गालबोट लावणारी घटना समोर आली आहे. माझ्या मुलाचे निधन झाले आहे. त्यामुळे माझ्या घरासमोरून गणपतीची मिरवणूक जाताना डीजे वाजवू नका असे म्हटल्याने चिडलेल्या २१ जणांनी मिळून कुटुंबीयावर जीवघेणा हल्ला केल्याची घटना समोर आहे. (Pune News)

या प्रकरणी तळेगाव (Pune News )पोलिसांनी २१ जणांना अटक केली आहे. सोमवार (ता.२५) रोजी ही घटना घडली आहे. याप्रकरणी सुनील प्रभाकर शिंदे यांनी तळेगावदाभाडे पोलीस ठाण्यात फिर्याद दिली आहे.

पोलिसांनी सुनील बंदा रजपूत (वय. २८), मुकेश करसन रजपुत (वय. २६), रवी करसन रजपुत (वय. ३०), सनी करसन रजपुत (वय. ३२), प्रवीण करसन रजपुत (वय. ३०), अक्षय ज्ञानेश्वर काकडे (वय. २८), अतुल वेलसी रजपुत (वय. २१), कृष्णा बलभीम खराते (वय. २३), रवी हिरा रजपुत (वय. २८), संदीप रमेश रजपुत (वय. २९), विशाल काळुराम रजपूत (वय. २९), संतोष काळुराम रजपूत (वय. २५), विलास हिरा रजपूत (वय. २२), अनिल हिम्मत रजपूत (वय. ३१), करसन जयंती रजपूत (वय. ५०), दिपक हिम्मत रजपूत (वय. ३२), आकाश अशोक रजपूत (वय. २१), काळुराम भिका रजपूत (वय. ५५), वसंत भिका रजपूत (वय. ५१), अमित वेलसी रजपूत (वय. २४) आणि रमेश जयंती रजपूत (वय. ५०, सर्व रा. शिंदेवस्ती, सोमाटणे फाटा) यांना अटक करण्यात आली आहे.

मिळालेल्या माहिती नुसार, फिर्यादी यांच्या मुलाचे काही दिवसांपूर्वीच निधन झाले होते. त्यामुळे संपूर्ण कुटुंब दुःखाचा सावटाखाली होते. त्यामुळे मुलाच्या दुःखाचा वेदना त्यांना सहन होत नव्हत्या. गणपतीचे दिवस असल्याने त्यांच्या घरासमोरून गणपतीची मिरवणूक चालली होती. तेव्हा त्या कुटुंबातील व्यक्तीने मिरवणुकीतील काही व्यक्तींना सांगितले की, माझ्या मुलाचे निधन झाले आहे, त्यामुळे माझ्या घरासमोर डीजे वाजवू नका, पुढे जाऊन वाजवा असे त्यांना सांगितले.

त्यानंतर आरोपींनी डीजे वाजवणे बंद केले. मात्र डीजे बंद करायला लावल्याचा राग त्यांच्या मनात होता. त्यावेळी गणपती विसर्जन करून परत जाताना आरोपींनी सुनील शिंदे, आणि त्यांच्या कुटुंबातील व्यक्तींना लाथा बुक्यांनी बेदम मारहाण केली. जीवे मारण्याच्या उद्देशाने घरावर हल्ला करुन गंभीर जखमी केले. या घटनेचा पुढील तपास पोलीस करीत आहेत.