Pune Crime : पतीच्या जाचाला कंटाळून पत्नीची आत्महत्या, पुण्यातील धक्कादायक घटना..

Pune Crime पुणे : पतीच्या छळाला कंटाळून महिलेने गळफास घेऊन आत्महत्या केल्याची घटना उघडकी आली आहे. ही घटना पुण्यातील सिंहगड रस्ता परिसरात घडली आहे. याप्रकरणी पती विरोधात सिंहगड रोड पोलीस ठाण्यात गुन्हा दाखल करण्यात आला आहे. (Pune Crime)

प्रणय ठाकूर असे गुन्हा दाखल करण्यात आलेल्या पतीचे नाव आहे. याप्रकरणी राजकुमारी ठाकूर (वय.५५ रा. कोलार रोड, भोपाळ, मध्यप्रदेश) यांनी सिंहगड रस्ता पोलीस ठाण्यात फिर्य़ाद दिली आहे. तर, नेहा प्रणय ठाकूर (वय. २६ रा. जिजाई विहार, मानाजीनगर, नऱ्हे) असे आत्महत्या केलेल्या महिलेचे नाव आहे.

मिळालेल्या माहिती नुसार, नेहाचा पती प्रणय ठाकूर हा गेल्या काही दिवसांपासून तिचा छळ करत होता. घरकामावरुन तिला टोमणे मारुन शिवीगाळ करत होता. तसेच तिला मारहाण करण्यात आली.

दरम्यान, पतीच्या छळाला कंटाळून नेहाने राहत्या घरामध्ये ओढणीच्या सहाय्याने गळफास घेऊन आत्महत्या केली आहे.याप्रकरणी पतीविरोधात गुन्हा दाखल करण्यात आला असून या घटनेचा पुढील तपास पोलीस उपनिरीक्षक लाड करीत आहेत.