Pune Crime : पत्नी नांदायला येत नव्हती, पतीने पोलिस चौकशीत घातला धिंगाणा, पेट्रोल आणलं अन्…; पुण्यात भयंकर घटना

Pune Crime : पुण्यात एक धक्कादायक प्रकार समोर आला आहे. येथील चंदननगर भागात पत्नी नांदायला येत नसल्याच्या रागातून एका तरूणाने पोलीस चौकीतच अंगावर पेट्रोल ओतून आत्महत्या करण्याचा प्रयत्न केला आहे. यामुळे एकच खळबळ उडाली आहे.

याबाबत नवनाथ कचरू लोखंडे याच्याविरुद्ध गुन्हा दाखल करण्यात आला आहे. यावेळी पोलीस शिपाई मुकेश पानपाटील (वय ३१) यांनी चंदननगर पोलीस ठाण्यात फिर्य़ाद दिली आहे. नवनाथ लोखंडे आणि त्याच्या पत्नीत काही कारणामुळे वाद झाले होते. त्यामुळे ती माहेरी निघून आली होती.

त्यानंतर त्यांच्यातील वाद हे सुरूच होते. दरम्यान, सासू-सासऱ्यांच्या सांगण्यावरुन पत्नी नांदायला येत नसल्याने नवनाथ चिडला होता. तो सासुरवाडीत गेला. यावेळी देखील त्यांच्यात वाद झाला. यामुळे वाद वाढतच गेला. पत्नी याठिकाणी नव्हती. यावेळी पत्नीने चंदननगर पोलीस ठाण्याच्या महात्मा फुले पोलीस चौकीत असल्याचे सांगितले. Pune Crime

नंतर नवनाथ त्याजागी पोहोचला. पोलीस चौकीत जाताना त्याने दुचाकीतील पेट्रोल बाटलीत भरले. पोलीस चौकीत जाऊन त्याने सासू-सासऱ्यांविरुद्ध तक्रार केली. त्याची पत्नी नांदायला येत नसल्याने संतापलेल्या नवनाथने अंगावर बाटलीतील पेट्रोल ओतून घेतले.

यामुळे मोठी पळापळ झाली. त्यावेळी पोलीस चैाकीतील कर्मचाऱ्यांनी प्रसंगावधान राखून त्याला रोखले. यामुळे मोठा अनर्थ टळला. यावेळी पोलिसांनी गुन्हा दाखल केला आहे. पुढील तपास पोलीस करत आहेत.