Pune Crime : पुणे हादरले! पोटच्या मुलीवर नराधम बापाने केला बलात्कार, घटनेने उडाली खळबळ..
Pune Crime : शहरात महिला अत्याचाराच्या घटनांमध्ये अलीकडे वाढ होताना दिसत आहेत. बलात्कार, विनयभंग, छेडछाड अशा दिवसाला एक ते दोन घटना दररोज घडत आहेत. सध्या अशीच पुण्यात वडील आणि मुलीच्या नात्याला काळिमा फासणारी धक्कादायक घटना पुण्यात उघडकीस आली आहे.
एका बापानेच स्वतःच्या १६ वर्षाच्या अल्पवयीन मुलीवर सातत्याने अत्याचार केल्याचं उघडकीस आले आहे. हा प्रकार २०१८ ते २२ मार्च या कालावधीत वडगाव शेरी परिसरात घडला आहे. याप्रकरणी चंदननगर पोलिसांनी नराधम बापावर गुन्हा दाखल करुन अटक केली आहे.
याप्रकणी १६ वर्षाच्या पीडित मुलीने शुक्रवारी (ता.२२) चंदननगर पोलीस ठाण्यात फिर्य़ाद दिली. यावरून ४० वर्षीय नराधम बापावर गुन्हा दाखल करुन अटक केली आहे.
मिळालेल्या माहिती नुसार, आरोपी ड्रायव्हर असून त्याने स्वत:च्या १६ वर्षाच्या अल्पवयीन मुलीवर वारंवार अत्याचार केले. आरोपीने पीडित मुलीला मारहाण करुन घरी कोणी नसताना वेळोवेळी शारीरिक संबंध प्रस्थापीत केले. Pune Crime
तसेच तिला गोळ्या खायला दिल्या. मुलीने गोळ्या खाल्या नाहितर तो जबरदस्तीने तिला गोळ्या खायला घालत होता. तसेच याबाबत कोणाला काही सांगितले तर आई, बहिण व भावाला जीवे मारण्याची धमकी देत होता.
या प्रकाराबाबत पोलिसांकडे तक्रार केली तर पोलिसांना मारुन टाकीन अशी धमकी आरोपीने दिली. शुक्रवारी सकाळी साडेआठच्या सुमारास आरोपीने पीडित मुलीवर अत्याचार केले.
दरम्यान, बापाकडून वारंवार होत असलेल्या अत्याचाराला कंटाळून तिने चंदननगर पोलीस ठाण्यात तक्रार दिली. तिच्या तक्रारीवरुन पोलिसांनी तात्काळ गुन्हा दाखल करुन नाराधम बापाला अटक केली आहे. या घटनेचा पुढील तपास सहायक पोलीस निरीक्षक प्रशांत माने करीत आहेत.
