Pune Crime News : क्लासला जात असताना अल्पवयीन मुलीसोबत घडलं भयंकर, फरपटत नेलं अन्…; कोथरुड परिसरातील घटना, २ सख्ख्या भावांना अटक..
Pune Crime News : शहरात महिला अत्याचाराच्या घटनांमध्ये अलीकडे वाढ होताना दिसत आहेत. बलात्कार, विनयभंग, छेडछाड अशा दिवसाला एक ते दोन घटना दररोज घडत आहेत. सध्या अशीच एक धक्कादायक घटना समोर आली आहे.
क्लासला जात असताना अल्पवयीन मुलीचे तोंड दाबून तिला फरपटत आडोशाला नेऊन तिच्यावर जबरदस्तीने बलात्कार केल्याची खळबळजनक घटना कोथरुड परिसरात घडली आहे. ही घटना १२ ऑक्टोबर आणि १८ नोव्हेंबर रोजी घडली आहे. याप्रकरणी दोन सख्ख्या भावांवर गुन्हा दाखल करुन अटक केली आहे. Pune Crime News
याप्रकरणी कोथरुड परिसरात राहणाऱ्या १५ वर्षीय अल्पवयीन मुलीने अलंकार पोलीस ठाण्यात मंगळवारी (ता. २८) फिर्य़ाद दिली आहे. त्यानुसार किशोर परमेश्वर केदार (वय. २३) आणि नकुस परमेश्वर केदार (वय. २१ दोघे रा. हॅपी कॉलनी, गोसावी वस्ती, कोथरुड) यांच्यावर गुन्हा दाखल करुन अटक केली आहे.
मिळालेल्या माहिती नुसार, फिर्य़ादी पिडित अल्पवयीन मुलगी कोथरुड परिसरातील एका क्लासला जात होती. त्यावेळी नकुल केदार याने मुलीची वारंवार छेड काढली. याची तक्रार मुलीने नकुलचा मोठा भाऊ किशोर याच्याकडे केली.
याचा राग आल्याने नकुल याने पीडित मुलगी क्लासला जात असताना तिच्या क्लासच्या ठिकाणी असलेल्या एका आडोशाला तिला फरफटत नेले. याठिकाणी तिच्या तोंडावर रुमाल दाबून जबरदस्तीने बलात्कार केला. माझ्या भावाकडे तक्रार करते काय, तुला राहयचे नाही का अशी धमकी आरोपीने दिली.
तसेच मी ज्या वेळेस बोलवेल त्या वेळेस याचे, नाही आली तर तुझे काय करायचे ते बघतो. असे म्हणत त्याने जातीवाचक शिवीगाळ केल्याचे फिर्यादीत नमूद केले आहे. या घटनेचा पुढील तपास महिला पोलीस उपनिरीक्षक शेख करीत आहेत.
