Pune Crime : पुण्यात मद्यपी तरुणांकडून गोंधळ! PMPL ला कार आडवी लावली अन् चालकाला केली बेदम मारहाण…
Pune Crime : दिवसागणिक पुण्यातली गुन्हेगारी वाढते आहे असे म्हटले तरी हरकत नाही. कोयता घेऊन रस्त्याने फिरणे, टोळा धाडी, गाड्या जाळणे एवढेच नाही तर शुल्लक रकमेसाठी हात तोडण्यासारख्या अंगावर काटा आणणारे प्रकार सध्या पुण्यात वेगात वाढले आहेत. सध्या असाच एक प्रकार समोर आला आहे.
पीएमपीएमएल चालकाला रस्त्यावरून जाणाऱ्या काही मद्यपी तरुणांनी बेदम मारहाण केल्याची घटना समोर आली आहे. पुणे जिल्ह्यातील वेल्हे तालुक्यातील आंबवणे परिसरात हा संतापजनक प्रकार घडला आहे. या घटनेत चालक जखमी झाला आहे. हा प्रकार बुधवारी उघडकीस आला आहे.
तेजस चंद्रकात गायकवाड (वय. ३५) असे मारहाणीत जखमी झालेल्या चालकाचे नाव आहे. या प्रकरणी दोघांविरोधात गुन्हा दाखल झाला असून एकास अटक करण्यात आली आहे. निलेश पंढरीनाथ सरपाले (वय.२६) असे अटक केलेल्याचे नाव असून श्रेयस काळूराम सरपाले हा फरार झाला आहे. Pune Crime
मिळालेल्या माहिती नुसार, बुधवारी (ता.२०) पीएमपीएल बस ही विंझर गावाकडून पुण्याच्या दिशेने निघाली होती. यावेळी आंबवणे परिसरात काही मद्यपी तरुणांनी गाडी आडवी मारण्याचा प्रयत्न केला. तसेच संबंधित पीएमपीएल चालकाला बेदम मारहाण केली.
या घटनेत चालक तेजस चंद्रकात गायकवाड जखमी झाले असून त्यांच्या कानाला गंभीर दुखापत झाली आहे. या प्रकरणी वेल्हे पोलिसांनी दोघांविरोधात गुन्हा दाखल करत एकाला अटक केली आहे. तर त्याचा दुसरा साथिदार फरार आहे. या घटनेचा पुढील तपास पोलीस करीत आहेत.
