आता पुण्यात मेट्रोचा विस्तार वाढणार! ‘या’ भागातही मेट्रो येणार, DPR तयार करण्याचे काम सुरू…
पुणे : शहरात मोठ्या प्रमाणावर वाहतुकीची कोंडी होत असते. सध्या पुणे आणि पिंपरी चिंचवड शहरातील पिंपरी चिंचवड महापालिका ते स्वारगेट आणि वनाज ते रामवाडी या मार्गांवर मेट्रो सुरू आहे. असे असताना आता मेट्रोचा विस्तार केला जाणार आहे.
पुण्यातील आणखी एक महत्त्वाचा भाग मेट्रोने जोडला जाणार आहे. मुक्ताई चौक ते वाकड ते नाशिक फाटा ते चाकण या मार्गावरही भविष्यात मेट्रो धावणार आहे. यामुळे याकडे सर्वांचे लक्ष लागले आहे. आता मुक्ताई चौक ते वाकड ते नाशिक फाटा ते चाकण यादरम्यान प्रस्तावित करण्यात आलेल्या मेट्रो मार्गाच्या संदर्भात महत्त्वाची माहिती समोर येत आहे.
या मार्गाचा डीपीआर तयार करण्याचे काम सुरू करण्यात आले आहे. येत्या काही दिवसांनी या मार्गाचा डीपीआर तयार होईल आणि त्यानंतर हा डीपीआर मंजुरीसाठी सरकारकडे पाठवला जाणार आहे, अशी माहिती समोर आली आहे. याला मंजुरी मिळाली की त्यानंतर या मार्गाच्या कामाला प्रत्यक्षात सुरुवात होणार आहे.
तसेच आता पुण्यातील मेट्रो रात्री अकरा वाजेपर्यंत धावणार आहे. आधी पुण्यातील मेट्रो सकाळी सहा ते रात्री दहापर्यंत चालवली जात होती. यामुळे प्रवासी संख्या वाढणार आहे.
सध्या स्वारगेट ते कात्रज पर्यंत पुणे मेट्रो लाईन 1 च्या विस्तारासाठीची निविदा प्रक्रिया सुद्धा आता अंतिम टप्प्यात आली आहे.
आता लवकरच या मेट्रो मार्गाच्या कामासाठी कंत्राटदाराची नियुक्ती होण्याची अपेक्षा आहे. महा-मेट्रोचे एमडी श्रावण हर्डीकर यांनी याबाबत माहिती दिली आहे. तसेच आता सात मिनिटांऐवजी मेट्रो गाड्या सहा मिनिटांच्या अंतराने धावतील. यामुळे पुणेकरांना मोठ्या प्रमाणात दिलासा मिळणार आहे. यामुळे याकडे सर्वांचे लक्ष लागले आहे.
