नागपूर हादरले! १९ वर्षीय मित्रानेच आपल्या चांगल्या मित्राची केली हत्या, धक्कादायक कारण आले समोर..
नागपूर : नागपूरमध्ये खुनाचा धक्कादायक प्रकार समोर आला आहे. मित्रानेच मित्राचा खून केल्याची घटना घडली आहे. त्या दोन्ही मित्रांमध्ये भांडण किंवा इतर कोणतेही कारण नव्हते. फक्त मित्र श्रीमंती दाखवत होता, त्यामुळे त्याचा हेवा वाटत होता. यामुळे मित्रानेच मित्राची हत्या केली.
१९ वर्षीय मित्राने अल्पवयीन मित्राची कोल्ड्रिंकमध्ये विष देऊन हत्या केली. हा प्रकार नागपूरच्या हुडकेश्वर पोलीस स्टेशन हद्दीत घडला आहे. वेदांत खंडाडे असे हत्या करण्यात आलेल्या तरुणाचे नाव आहे. तर, मिथिलेश चकोले असे आरोपीचे नाव आहे.
वेदांत आणि मिथिलेश हे दोघेही मित्र होते. वेदांतच्या घराची परिस्थिती चांगली होती. त्याच्या वडिलांनी काही दिवसांपूर्वी वडिलोपार्जित शेती विकली होती. त्यानंतर ते हुडकेश्वर या परिसरात राहायला आले. त्यानंतर वेदांत आणि मिथिलेश यांची मैत्री झाली. मिथिलेश हा साधारण परिवारातील आहे. दोघांची चांगली मैत्री झाली.
८ एप्रिल रोजी दोघेही फिरायला गेले. एका पान टपरीवर दोघांनी कोल्ड्रींक घेतले. मात्र आरोपीने नकळतपणे त्याच्या कोल्ड्रींकमध्ये विष टाकले. त्यामुळे काही वेळातच त्याची ताब्यात बिघडली. त्याला रुग्णालयात दाखल केले. मात्र चार दिवसांनी त्याचा मृत्यू झाला. पोलीसांनी या प्रकरणात गुन्हा दाखल केला आहे.
दरम्यान, त्यानंतर पोलिसांनी तपास सुरू केल्यावर घरच्यांची विचारपूस केली. त्याच्या मित्राची चौकशी केली. त्यावेळी सगळा प्रकार समोर आला. या प्रकरणात सुरवातीला पोलिसांनी अकस्मात मृत्यूची नोंद केली होती. मात्र आता आरोपी मिथिलेशला अटक करत हत्येचा गुन्हा दाखल केला.
या प्रकरणात खंडणीच्या संदर्भात एक पत्र मिळाल्याचे पण पुढे येत आहे. मात्र पोलीस त्याचा तपास करत आहे. या घटनेने हुडकेश्वर परिसरात आणि कुटुंबियांवर दुःखाचा डोंगर कोसळला आहे.
