Lok Sabha Election : गल्लीत गोंधळ अन् दिल्लीत मुजरा!! लोकसभेचा अर्ज भरण्यासाठी उमेदवाराने आणली चक्क पोतं भरून चिल्लर..
Lok Sabha Election : राज्यात सर्वत्र लोकसभा निवडणूकांची रणधुमाळी सुरु आहे. सर्वच पक्षातील उमेदवारांनी आपापले अर्ज भरण्यास सुरुवातही केली आहे. दरम्यान, अशातच यवतमाळ-वाशीम लोकसभा मतदारसंघातून एक अजब प्रकार पुढे आला आहे. इथे एका उमेदवाराने अर्ज भरण्यासाठी चक्क पोतं भरुन चिल्लर आणले होते.
उमेदवारी अर्ज भरण्याची प्रक्रिया सुरू असताना सोमवारी (१ एप्रिल) अपक्ष उमेदवार मनोज गेडाम यांनी १२,५०० रुपयांचे चिल्लर (सुटे पैसे/नाणी) नामनिर्देशन पत्राबरोबर निवडणूक आयोगाकडे भरले आहे. गेडाम यांनी यवतमाळ-वाशिम लोकसभेसाठी उमेदवारी अर्ज दाखल केला आहे. मनोज गेडाम यांनी १२,५०० रुपयांचे चिल्लर निवडणूक विभागाकडे सुपुर्द केले होते.
हे पैसे मोजताना कर्मचाऱ्यांची दमछाक झालेली पहायला मिळाली. त्यामुळे गेडाम यांनी ही रक्कम स्वत: मोजून निवडणूक विभागाकडे सादर करावी, असे सांगण्यात आले आहे. त्यानंतर गेडाम आणि त्यांच्याबरोबर आलेल्या कार्यकर्त्यांनी ही नाणी मोजून वेगवेगळ्या लहान पिशव्यांमध्ये बांधून निवडणूक आयोगाकडे सादर केली. Lok Sabha Election
मनोज गेडाम यांनी १२,५०० रुपयांचे चिल्लर निवडणूक विभागाकडे सुपुर्द केले होते. हे पैसे मोजताना कर्मचा-यांची दमछाक झालेली पहायला मिळाली. त्यामुळे गेडाम यांनी ही रक्कम स्वत: मोजून निवडणूक विभागाकडे सादर करावी, असे सांगण्यात आले आहे.
त्यानंतर गेडाम आणि त्यांच्याबरोबर आलेल्या कार्यकर्त्यांनी ही नाणी मोजून वेगवेगळ्या लहान पिशव्यांमध्ये बांधून निवडणूक आयोगाकडे सादर केली. सामाजिक कार्यकर्ते म्हणून परिचित असलेल्या मनोज गेडाम यांना स्थानिक लोक गुरुदेव या टोपण नावाने ओळखतात.
मी गोरगरीब जनतेची अनेक वर्षे सेवा करत आलो आहे आणि त्यांनीच मला या निवडणुकीत उभे राहण्यासाठी एक रुपया, दोन रुपये, पाच रुपये, दहा रुपये अशी रक्कम जमा करून दिली आहे. सामान्य जनता माझ्या पाठीशी आहे, त्यामुळे मी ही लोकसभा निवडणूक जिंकणार आहे असे गेडाम म्हणाले. जनतेने दिलेली रक्कम मी इथे जमा करण्यासाठी घेऊन आलो आहे, असेही त्यांनी सांगितले आहे.
