Local : पुणे-दौंड प्रवास करणाऱ्यांसाठी आनंदाची बातमी! आता दौंड गाठायला डेमूची वाट बघायला नको, लवकरच लोकल सेवा होणार सुरू ..
Local पुणे : पुणे ते दौंड प्रवास करणाऱ्यांसाठी एक महत्वाची माहिती समोर आली आहे. पुणे ते दौंड दरम्यान लोकल सेवा लवकर सुरू केली जाण्याची शक्यता आहे. (Local)
या काही दिवसांमध्ये पुणे रेल्वे विभागाला दोन ईलेक्ट्रिकल मल्टीपल युनिट (ईएमयू) रेक मिळणार आहेत. त्याची काही दिवस चाचणी घेतल्यानंतर पुणे ते दौंड दरम्यान लोकल सेवा सुरू होणार असल्याची माहिती रेल्वे अधिकाऱ्यांनी दिली आहे.
पुणे दौंड दरम्यान लोकल सेवा सुरू अद्याप सुरू नाही. प्रवाशांना डेपो, मेमोतनच प्रवास करावा लागतो. त्यामुळे पुणे ग्रामीण रेल्वे प्रवासी ग्रुपकडून पुणे दौंड अशी लोकल सेवा सुरू करण्याची मागणी केली जात आहे. या ग्रुपचे अध्यक्ष प्रमोद उबाळे यांनी सोमवारी रेल्वे अधिकाऱ्यांसोबत पुणे दौंड रेल्वे सेवा विषयांवर भेट घेऊन चर्चा केली.
त्यावेळी रेल्वेच्या अधिकाऱ्यांनी येत्या एका महिन्याच्या आत पुणे विभागाला इलेक्ट्रिक मल्टीपल युनिट (ईएमयू) चे दोन रेक मिळणार आहेत. हे रेक आल्यानंतर त्याची चाचणी घेण्यात येईल.
ही चाचणी यशस्वी झाल्यानंतर दोन टप्प्यात पुणे ते दौंड अशी लोकल रेल्वे सेवा सुरू केली जाणार आहे. मुंबई विभागाकडून पुणे विभागाला सुरूवातीला दोन ईएमयू रेक मिळणार आहेत. त्याची चाचणी केली जाणार आहे.
ही चाचणी यशस्वी झाल्यानंतर पुणे ते दौंड दरम्यान लोकल सेवा सुरू केली जाणार आहे. सुरुवातीला दोन रेक येणार आहेत. त्यानंतर तीन रेक येणार आहेत.
येत्या दोन महिन्यात ही सेवा सुरू होण्याची शक्यता आहे. प्रवाशांचा प्रतिसाद पाहून ही लोकल सेवा वाढविण्यात येणार आहे, अशी माहिती रेल्वे प्रशासनाने प्रवासी संघटनेला दिली आहे.
