‘कोरेगावमूळ’ला उद्योगपतीच्या दातृत्वाने उघडली गोर गरीबांच्या शिक्षणाचे द्वारे ! कोट्यवधींची जागेने होणार गरीबांच्या शिक्षणाचे चीज …!
उरुळी कांचन : कोरेगावमूळ (ता.हवेली ) येथील इनामदारवस्तीवरील जिल्हा परिषदेच्या प्राथमिक शाळेची जागा खाजगी मालकीची निघाल्याने या जागा मालकाने जागेचा ताबा घेतल्याने जिल्हा परिषदेच्या शिक्षणासाठी जागेअभावी बेघर झालेल्या गोरगरीब विद्यार्थ्यांची शिक्षणाची सोय व्हावी म्हणून दान स्वरूपात दिलेली जागेत जिल्हा परिषद शाळेचा पाया पुजला गेल्याने ग्रामस्थ आणि नागरीकांनी समाधान व्यक्त केले आहे.
कोरेगावमूळ येथील इनामदारवस्ती येथील जिल्हा परिषदेची मूळची जागा ही कागदोपत्री खाजगी मालकीची निघाल्याने जिल्हा परिषदेच्या जागेचा प्रश्न निर्माण झाला होता. गेली दोन वर्षे जागेअभावी गोरगरीब मुलांच्या शिक्षणाचा प्रश्न निर्माण झाला होता.पाऊस, ऊन वाऱ्यात हे विद्यार्थी उघड्यावर शिक्षण घेत होते. या विद्यार्थ्यांची शिक्षणाची आवस्था पाहता , या ठिकाणी शाळेसाठी जागेचा प्रश्न निर्माण झाला होता.
या आवस्थेचा स्थानिक नर्सरी व्यावसायिक संतोष शितोळे हे धावून येत , त्यांनी स्वमालकीची पुणे- सोलापूर राष्ट्रीय महामार्गालगची ७० ते ७५ लाख किमतीची जागा शाळेला देऊ केली आहे. स्वखर्चातून ही जागा बक्षीस पत्राने ग्रामपंचायतीला देऊ केल्याने या ठिकाणी जिल्हा परिषदेचा १९ लाख रुपये वर्गखोल्यांसाठी निधी मंजूर झाला आहे.या कामाचे भूमिपूजन शुक्रवार( दि.१०) रोजी करण्यात आले आहे. उपसरपंच वैशाली अमित इनामदार व अमित इनामदार यांच्या ह्स्ते पूजा करुन भूमिपूजनाचा पाया पुजला आहे. यावेळी सोपान शितोळे, दिलीप शितोळे, शेखर सावंत तसेच ग्रामस्थ, मान्यवर व जिल्हा परिषद शाळेतील शिक्षक उपस्थित होते.
या शाळेच्या कामाचा शुभारंभ झाल्याने या ठिकाणी गोरगरीब तसेच परप्रांतीय गरीब विद्यार्थ्यांच्या शिक्षणाचा प्रश्न सुटला आहे. सुमारे ७० विद्यार्थ्यांचे भविष्य घडण्यासाठी या शाळेचा प्रयत्न सफल होणार आहे.याकामासाठी उद्योजक संतोष शितोळे हे धावून आल्याने त्यांच्या दातृत्वाचे सर्वत्र कौतुक होत आहे.
दरम्यान, इनामदार वस्ती येथील जिल्हा परिषद शाळेला तीन खोल्यांची मंजुरी मिळाली असून या कामासाठी १९ लाख ५१ हजार रुपयांचा फंड मिळाला आहे. तर लोकवर्गणीतून आणखी २० लाख रुपये गरज आहे. त्यासाठी इनामदार वस्ती व कोरेगाव मूळ परिसरातील नागरिकांच्या मदतीने सर्व काम करण्यात येणार आहे.
