रंग उधळाल तर थेट जेलमध्ये जाल! पोलिसांची होळी आणि धूलिवंदनासाठी विशेष नियमावली…
मुंबई : होळीच्या सणाला काही तास उरले आहेत. अशा परिस्थितीत लोकांनी आधीच तयारी सुरू केली आहे. होळीच्या दिवशी रंग आणि गुलाल खेळले जातात. कधीकधी हे रंग इतके तीव्र असतात की ते सहजासहजी निघत नाहीत.
होळीच्या निमित्ताने संध्याकाळी नवीन कपडे घालण्याची परंपरा देखील आहे. अशा परिस्थितीत, संध्याकाळी अनेक ठिकाणी नवीन कपड्यांसह गुलालही वाजवला जातो. अशातच आता मुंबईकरांसाठी महत्वाची बातमी आहे.
मुंबई पोलिसांनी होळी, धुलीवंदन आणि रंगपंचमीसाठी नियमावली जारी केली केली आहे. आजपासून १८ मार्चपर्यंत हे नियम लागू असतील. मुंबई पोलिसांनी याबाबत प्रसिद्ध पत्रक जारी केले आहे. रंगपंचमीमध्ये रंग उधळाल तर थेट जेलमध्ये जाल, असे पोलिसांनी सांगितले आहे.
पादचाऱ्यांवर पाणी अथवा रंग टाकण्यास, अश्लिल हावभाव करणाऱ्यांविरोधात कारवाई केली जाणार आहे. रंगपंचमी कार्यक्रमात अश्लील गाणी वाजवणाऱ्यांवर देखील कारवाई करण्यात येणार आहे.
रंगपंचमीनिमित्त मुंबई पोलिसांनी जारी केलेली नियमावली पुढील प्रमाणे..
अश्लील शब्द तसंच अश्लील शब्दातील गाण्यांवर प्रतिबंध.
समाजात तेढ निर्माण होईल असं कृत्य करू नये.
अनोळखी व्यक्तींवर रंग किंवा पाणी फेकणाऱ्यांवर कारवाई होणार.
रंगीत किंवा साध्या पाण्याने भरलेले फुगे कुणावरही फेकू नका.
होळी किंवा रंगपंचमीसाठी जबरदस्तीने वर्गणी मागणाऱ्यांवर कारवाई होणार.
