आप पान गुटखा खाते है क्या? हमे बेवकुफ समजे क्या? अजितदादांनी बँक अधिकाऱ्याला झाप झाप झापलं, बारामतीत नेमकं काय घडलं?
बारामती : बारामतीमध्ये उपमुख्यमंत्री अजित पवार यांच्या हस्ते युनियन बँकेचे उद्घाटन झाले. यावेळी बोलताना अधिकाऱ्याकडे पाहून हिंदीमध्ये म्हणाले, आप पान खाते है क्या? या गुटखा?असा प्रश्न केला. त्यावर त्या अधिकाऱ्याने मला कुठलेही व्यसन नाही. माझ्या दातांचा रंगच तसा आहे. असं सांगितलं.
नंतर अजित पवार म्हणाले, तुमच्याच दातांचा रंग कसा काय वेगळा? अजित पवार हसत हसत म्हणाले ‘हमें बेवकूफ समझते हो क्या आप? असं म्हणत स्वत:च हसायला लागले व उपस्थितामध्ये हशा पिकला. यामुळे याची चर्चा झाली. अजित पवार हे आपल्या रोखठोक स्वभावाने प्रसिद्ध आहेत.
त्यांच्या जे पोटात असतं तेच त्यांच्या ओठावर असतं, मनात काही न ठेवता ते बोलतात. नंतर अजित पवार म्हणाले, मी महाराष्ट्राचा अर्थमंत्री आहे, तुमच्या बँकेसाठी काही मदत लागली तर सांगा, पण आमच्या बारामतीमधील स्थानिक मुला-मुलींना नोकरी द्या, अशा सूचना देखील दिल्या.
तसेच ते म्हणाले, तुमच्याकडे कर्ज घेण्यासाठी काही जण येतील. आत्ताच दादांशी फोनवरून बोलणे झाले असे सांगतील. काही जण माझ्यासोबतचे फोटो दाखवतील. पण त्यांच्यावर विश्वास ठेवू नका. कागदपत्रे क्लिअर असतील तरच त्यांना कर्ज द्या. असंही ते म्हणाले.
