मॉर्निंग वॉकला गेलेल्या तरुणाचा मृत्यू, नेमकं घडलं काय? घटनेचे कारण अद्याप अस्पष्ट..
पुणे : आज सकाळी पुण्यातील उंड्री परिसरात एक धक्कादायक घटना घडली आहे. याठिकाणी मॉर्निंग वॉकला जाताना झालेल्या अपघातात एका तरुणाचा मृत्यू झाला. ही घटना उंड्री येथील न्याती इस्टेटजवळ घडली. या घटनेने एकच खळबळ उडाली असून याबाबत तपास सुरु आहे. या घटनेमुळे परिसरातील मॉर्निंग वॉक करणाऱ्यांच्या सुरक्षिततेबद्दल चिंता निर्माण झाली आहे.
या तरुणाची ओळख अद्याप पटलेली नाही. पोलिस घटनेचा तपास करत आहेत आणि तरुणाची ओळख पटवण्याचा प्रयत्न करत आहेत. या घटनेमुळे रस्त्याची सुरक्षा सुधारण्यासाठी आणि भविष्यात अशा घटना रोखण्यासाठी अधिकाऱ्यांनी उपाययोजना करण्याची मागणी रहिवाशांनी केली आहे.
या घटनेबाबत माहिती अशी की, सकाळी फिरायला जाताना एका चारचाकी वाहनाने तरुणाला धडक दिली. कारची धडक इतकी भीषण होती की, जखमी झालेल्याचा जागीच मृत्यू झाला. पोलिस घटनेचा तपास करत आहेत आणि अपघाताचे कारण शोधण्याचा प्रयत्न करत आहेत.
अपघातात सहभागी असलेल्या वाहनाची ओळख पटविण्यासाठी ते परिसरातील सीसीटीव्ही फुटेज देखील तपासत आहेत. गेल्या काही दिवसांपासून अशा घटना सातत्याने वाढत आहेत. यामुळे सकाळी फिरणे देखील चिंतेचा विषय बनला आहे. याबाबत सध्या तपास सुरु आहे.
