विठ्ठल-रुक्मिणीच्या दारातच पुण्यातील भाविकांवर प्राणघातक हल्ला; दगडांनी मारहाण, डोकी फोडली अन्…घटनेचा व्हिडीओ आला समोर
पंढरपुर : विठ्ठल रुक्मिणीच्या दर्शनासाठी आलेल्या आलेल्या पुण्यातील पाच भाविकांवर प्राणघातक हल्ला करण्यात आल्याची घटना उघडकीस आली आहे. अज्ञात तरुणांनी आधी दगड मारले. त्यानंतर भाविकांना बेदम मारहाण केली आहे. यात काही भाविकांचे डोकी फुटली.
जखमींवर खासगी रुग्णालयात उपचार सुरू असून, पोलीस हल्लेखोरांचा शोध घेत आहेत. तसेच सीसीटीव्ही फूटेजच्या आधारे पोलीस हल्लेखोरांचा शोध घेत आहेत.या घटनेमुळे एकच खळबळ उडाली आहे.
सविस्तर माहिती अशी की, पुणे शहरातील ज्येष्ठ नागरिकांचा एक ग्रुप मंगळवारी पहाटे पंढरपूरला विठ्ठल-रुक्मिणीच्या दर्शनासाठी आला होता. सुमारे पहाटे ४.४५ वाजण्याच्या सुमारास हे भाविक मंदिर परिसरात थांबले असताना हल्ल्याची घटना घडली.
घटनेचा व्हिडीओ व्हायरल…
घटनास्थळावरून समजले की, भाविकांचा ग्रुप मंदिर परिसरात उभा असताना एक व्यक्तीने त्यांना धक्का मारला. याबाबत विचारणा केली असता त्याच्यासोबत असलेल्या इतर तरुणांनी अचानक दगडफेक सुरू केली. दगड लागून काही भाविकांचे डोके फुटले. यानंतर तरुणांच्या गटाने लाथा-बुक्क्यांनी बेदम मारहाण केली.
दरम्यान, या घटनेमुळे मंदिर परिसरात पहाटेच गोंधळ उडाला. ही सगळी घटना सीसीटीव्ही कॅमेऱ्यात कैद झाली. माहिती मिळताच पोलीस घटनास्थळी आले. जखमी भाविकांना खासगी रुग्णालयात दाखल करण्यात आले. त्यांच्यावर उपचार सुरू आहेत. या प्रकरणी अज्ञातांविरोधात गुन्हा दाखल करून पोलिसांनी तपास सुरू केला आहे. सीसीटीव्ही फूटेजच्या मदतीने पोलीस हल्ला करणाऱ्या तरुणांचा शोध घेत आहेत.
