Crime News : सुट्टीवर घरी आला होता जवान, पत्नीने हात-पाय आणि डोळे बांधून पाजलं विष अन्…, कोल्हापुरातील घटनेने राज्य हादरले
Crime News : कोल्हापुरात एक धक्कादायक घटना समोर आली आहे. सुट्टीवर घरी आलेल्या भारतीय सैन्य दलातील जवानाचे हात-पाय आणि डोळे बांधून विष पाजण्याची घटना घडली आहे. यापकरणी पत्नीसह अज्ञाताविरूद्ध गुन्हा दाखल करण्यात आला आहे. या घटनेने एकच खळबळ उडाली आहे.
अमर भिमगोंडा देसाई (वय. ३९, सध्या रा. संकेश्वर रोड, मूळ रा. नूल, ता. गडहिंग्लज) असे या जवानाचे नाव आहे. ही घटना गुरूवारी (ता. १८) रात्री साडेनऊच्या सुमारास राहत्या घरात घडली आहे.
सविस्तर माहिती अशी की, मूळचे नूल गावचे असलेले अमर हे पत्नीसह गडहिंग्लजला संकेश्वर रोडवरील पाटणे पाईप कारखान्याजवळ भाडोत्री घरात राहण्यास आहेत. अमर ड्युटीवर गेल्यानंतर पत्नी एकटीच घरी असते. काही दिवसापूर्वी अमर सुट्टी घेऊन घरी आले आहेत.
दरम्यान, गुरूवारी रात्री साडेनऊच्या सुमारास राहत्या घरातच पत्नी आणि तिच्या अज्ञात साथीदाराने अमरचे हात-पाय आणि डोळे बांधून त्याला नाकावाटे व तोंडावाटे विषारी औषध पाजून ठार मारण्याचा प्रयत्न केला. Crime News
त्यावेळी अमर यांनी जोरात ओरडल्याने शेजारचे नागरिक त्यांच्या घरी आले. दरवाजा तोडून नागरिकांनी आत प्रवेश केला. त्यावेळी अज्ञात साथीदाराने खाडे नावच्या नागरिकाच्या डोक्यात कशाने तरी मारून तेथून पळून गेला. त्यानंतर नागरिकांनी जखमी खाडे व अमर यांना उपजिल्हा रूग्णालयात दाखल केले.
दरम्यान, त्यानंतर अमर यांना कोल्हापुरच्या सीपीआर रूग्णालयात दाखल करण्यात आले आहे. त्याची प्रकृती स्थिर असल्याचे सांगण्यात येत आहे. याप्रकरणी अमर यांनी पोलीस ठाण्यात फिर्याद दिली आहे. त्यावरून पोलिसांनी पत्नी आणि अज्ञात साथीदारावर गुन्हा दाखल केला आहे. या घटनेचा पुढील तपास पोलीस करत आहेत.
