केंद्र सरकारच महिला शेतकऱ्यांसाठी मोठ गिफ्ट ; 4.5 लाखाचा ट्रॅक्टर फक्त 2.25 लाखात… वाचा योजनेची सविस्तर माहिती…

पुणे : केंद्र सरकारने शेतात महिलांचा वाढता सहभाग लक्षात घेता ‘सब-मिशन ऑन ॲग्रिकल्चरल मेकनायझेशन’ (SMAM) ही योजना राबवली आहे. या योजनेअंतर्गत, महिला शेतकरी आता ट्रॅक्टरवर ५०% सबसिडी मिळवू शकतात. म्हणजेच, सुमारे ४.५ लाख रुपये किंमतीचा ट्रॅक्टर केवळ २.२५ लाखात मिळू शकतो. त्यामुळे महिला सक्षम बनण्यास मदत होणार आहे.

‘सब-मिशन ऑन ॲग्रिकल्चरल मेकनायझेशन’ योजना काय आहे?

‘सब-मिशन ऑन ॲग्रिकल्चरल मेकनायझेशन’SMAM योजना (Agricultural Mechanization Sub-Mission) २०१४-१५ पासून सुरू आहे. या योजनेचा मुख्य उद्देश म्हणजे शेतकऱ्यांना आधुनिक कृषी यंत्रसामग्री जसे की ट्रॅक्टर, पॉवर टिलर, सीड ड्रिल वगैरे सवलतीच्या दरात उपलब्ध करून देणे. २०२५ साठी केंद्र सरकारने या योजनेसाठी ₹१,००० कोटींपेक्षा जास्त निधी राखून ठेवला आहे. या योजनेत आता महिलांसाठी विशेष अनुदान देण्यात आल आहे.

महिलांसाठी विशेष अनुदान

SMAM योजनेत महिला शेतकऱ्यांसाठी विशेष सबसिडी राखली आहे. त्यामुळे त्यांना जास्त आर्थिक मदत मिळते.
1-महिला / SC/ST / छोटे शेतकरी – खरेदी किमतीचा ५०%, कमाल ₹२.५० लाख
2-सर्वसाधारण शेतकरी – खरेदी किमतीचा ४०%, कमाल ₹२.०० लाख
उदाहरणार्थ, जर ट्रॅक्टरची किंमत ४.५ लाख असेल, तर महिला शेतकरी फक्त २.२५ लाख रुपये भरून ट्रॅक्टर मिळवू शकते. सामान्य शेतकऱ्याला ४०% सबसिडी नुसार २.७० लाख रुपये भरावे लागतात. त्यामुळे महिलांना ४५,००० रुपयांचा थेट फायदा होतो.

ही योजना महिला शेतकऱ्यांना आर्थिकदृष्ट्या सक्षम करण्यासाठी आणि शेतीत आधुनिकता आणण्यासाठी एक मोठा संधी आहे. या योजनेमुळे केवळ खर्चात बचत होत नाही, तर शेतीची उत्पादकताही वाढते.

योजनेसाठीची अर्ज प्रक्रिया –

महिला शेतकऱ्यांचे अर्ज प्राधान्याने मंजूर केले जातात. अर्ज करण्याची प्रक्रिया सोपी आणि ऑनलाईन आहे:
1-पोर्टल भेट द्या: agrimachinery.nic.in किंवा myscheme.gov.in
2-नोंदणी (Registration): आधार नंबर आणि मोबाइल नंबर वापरून शेतकरी म्हणून नोंदणी करा.
3-फॉर्म भरा: ट्रॅक्टरचा प्रकार निवडा आणि अर्ज फॉर्ममध्ये संपूर्ण माहिती भरा.
4-कागदपत्रे अपलोड करा: आधार कार्ड, बँक पासबुक प्रत, जमीन नोंदी (७/१२) यांसारखी कागदपत्रे अपलोड करा.
5-पडताळणी आणि हस्तांतरण: राज्य कृषी विभाग अर्जाची पडताळणी करतो. अर्ज मंजूर झाल्यावर DBT (Direct Benefit Transfer) द्वारे सबसिडी थेट बँक खात्यात जमा केली जाते.

महिलांसाठी अतिरिक्त फायदे
1-आर्थिक स्वावलंबन: ५०% सबसिडीमुळे मोठे कर्ज न घेता ट्रॅक्टर खरेदी करता येतो, आणि महिला शेतकरी शेतीत आर्थिकदृष्ट्या स्वावलंबी होतात.
2-उत्पादनात वाढ: ट्रॅक्टरमुळे नांगरणी व पेरणी २०-३०% जलद होते आणि उत्पादनात १५-२०% वाढ होते.
3-प्रशिक्षण: महिला शेतकऱ्यांसाठी मोफत ट्रॅक्टर ड्रायव्हिंग प्रशिक्षण उपलब्ध आहे, ज्यामुळे ते सुरक्षित आणि कार्यक्षम रीतीने ट्रॅक्टर वापरू शकतात.
SMAM योजना महिला शेतकऱ्यांसाठी सुवर्णसंधी आहे, ज्यामुळे त्यांना सुलभ कर्ज आणि सबसिडीवर ट्रॅक्टर खरेदी करण्याची संधी मिळते. हे साधे आणि जलद प्रक्रिया असल्यामुळे, प्रत्येक महिला शेतकरी ही योजना घेऊन शेतीत आधुनिकता आणू शकते आणि आर्थिकदृष्ट्या सशक्त होऊ शकते.