मोठी बातमी! लाडकी बहीण योजनेत तब्बल 164 कोटींचा महाघोटाळा, धक्कादायक बाब समोर….

पुणे : गेल्या वर्षी मोठ्या दणक्यात मुख्यमंत्री माझी लाडकी बहीण योजना महायुती सरकारने सुरू केली होती. या योजनेतील बोगससिरी थांबवण्यासाठी सरकारकडून आता ई-केवायसी आणि खात्यांची तपासणी करण्यात येत आहे. यातून आता धक्कादायक खुलासे समोर येत आहे. या योजनेत तब्बल164 कोटींचा महाघोटाळा झाल्याचा आरोप करण्यात येत आहे. माहिती अधिकारात मागितलेल्या माहितीत ही धक्कादायक बाब समोर आली आहे.

माहितीच्या अधिकारात मुख्यमंत्री माजी लाडकी बहीण योजनेत महाघोटाळा झाल्याचे समोर आले आहे. सरकारने पुरवलेल्या माहितीनुसार, गेल्या वर्षभरात या योजनेत 12 हजार 431 पुरूषांनी घुसखोरी करत 1500 रुपयांचा हप्ता गटकावला आहे.इतक्या पुरुषांनी मुख्यमंत्री लाडकी बहीण योजनेचा लाभ घेतलेला असतानाही त्यांच्यावर अद्याप कोणतेही कारवाई झाले नसल्याचे समोर येत आहे. त्यामुळे या सर्व प्रकरणच संशयाच्या घेऱ्यात आले आहेत. आता पुरुषांच्या नावावर अधिकाऱ्यांनी आणि काही राजकीय कार्यकर्त्यांनी याचा फायदा तर घेतला नसेल ना?असा गंभीर प्रश्न सुद्धा उपस्थित होत आहे.

दरम्यान या योजनेत इतका मोठा घोटाळा झाला असताना सरकारची काहीच कारवाई करत नाही. त्यामुळे अनेकांना खटकत आहेत. या योजनेत आधार कार्ड, बँकेचा तपशील सरकारकडे उपलब्ध आहे. त्यामुळे या योजनेचा लाभ कुणी जरी कसल्याही पद्धतीने मिळवला असला तरी ती व्यक्ती सुटू शकत नाही, या योजनेतून सरकारच्या तिजोरीवर 164 कोटींचा दरोडा घातल्याचे समोर आले आहे. 12 हजार 431 पुरुषांनी 12 महिन्यांचा लाभ पदरात पाडून घेतला तर 77 हजार 980 अपात्र लाभार्थी महिलांनी 13 महिन्यांचा लाभ मिळवल्याचे समोर आले आहे