Ajit Pawar : भाजपसोबत गेल्यानंतर अजित पवार यांना पहिलाच सर्वात मोठा धक्का! बड्या पदाधिकाऱ्यासह शेकडो कार्यकर्ते करणार ठाकरे गटात प्रवेश….

Ajit Pawar : राज्याच्या राजकारणात सध्या अनेक घडामोडी घडताना दिसत आहेत. तसेच आगामी लोकसभा आणि विधानसभा निवडणुकीच्या पार्श्वभूमीवर उपमुख्यमंत्री अजित पवार यांनी पक्षाची मोर्चेबांधणी सुरु केली आहे.

पदाधिकाऱ्यांचं तसेच कार्यकर्त्यांचं मनोबल वाढावं, यासाठी अजितदादा गटाकडून त्यांना महागड्या गाड्या देखील भेट देण्यात येणार आहे. मात्र, दुसरीकडे अजित पवार यांच्या बंडामुळे काही कार्यकर्ते नाराजही झाल्याची माहिती असून पिंपरी चिंचवडमधील अजितदादा गटाच्या बड्या पदाधिकाऱ्याने ठाकरे गटात प्रवेश करण्याचा निर्णय घेतला आहे.

शहरातील राष्ट्रवादी काँग्रेसचे एक मोठे पदाधिकारी समजले जाणारे संजोग वाघेरे हे आज आपल्या शेकडो समर्थकांसह शिवसेना उद्धव ठाकरे गटात प्रवेश करणार आहेत. यासाठी वाघेरे भल्यापहाटे मुंबईच्या दिशेने रवाना झाले आहेत. Ajit Pawar

त्यामुळे पिंपरी चिंचवड शहरात राष्ट्रवादी काँग्रेस अजित पवार गटाला मोठे खिंडार पडण्याची शक्यता आहे. पिंपरी-चिंचवड शहर हा अजित पवारांचा बालेकिल्ला मानला जातो. राष्ट्रवादीचे इथे मोठी ताकद आहे.

दरम्यान, त्याच राष्ट्रवादी गटाचे माजी शहराध्यक्ष तथा माजी महापौर संजोग वाघेरे हे आज अखेर शिवबंधन बांधणार आहेत. मावळ लोकसभा मतदारसंघातून संजोग वाघेरे यांची शिवसेना उद्धव ठाकरे गटाकडून उमेदवारी निश्चित असल्याचे बोलल जात आहे. यामुळे अजित पवार गटाला मोठा धक्का बसला आहे.