भाजपच्या तीन राज्यांतील यशानंतर उपमुख्यमंत्री अजित पवार यांची दिलखुलास प्रतिक्रिया..!!

मुंबई : मध्य प्रदेश, छत्तीसगड, आणि राजस्थान या तीन राज्यांच्या भाजपच्या घवघवीत यशानंतर
भाजपशी राज्यात सत्तेत सहभागी झालेल्या  उपमुख्यमंत्री अजित पवार यांनी निकालावर प्रतिक्रिया दिली आहे.

“देशाला नरेंद्र मोदींशिवाय दुसरा पर्याय नाही, ही काळ्या दगडावरची पांढरी रेघ आहे. आम्ही घेतलेली भूमिका काही लोकांना पटलेली नाही. तेलंगणामधील केसीआर राव (KCR) हे महाराष्ट्रात फिरले, तसेच त्यांनी देशाच्या सर्व टीव्ही चॅनलवर जाहिराती दिल्या. आताच्या निकालावरुन त्यांची परिस्थिती बिकट असल्याचे दिसते. मध्यप्रदेश, छत्तीसगड आणि राजस्थान या तिन्ही भागात भाजपच येईल असं चित्र निकालावरून पाहायला मिळत आहे,” असे अजित पवार म्हणालेत.