खेकडे पकडणे जीवावर बेतले! खेकडे पकडण्यासाठी गेलेल्या सख्ख्या बहीणभावाचा जागीच…, घटनेमुळे गाव हळहळलं
पुणे : खेकडे पकडण्यासाठी गेलेल्या सख्ख्या बहीण भावांचा दुर्देवी बुडून मृत्यू झाल्याची घटना समोर आली आहे. बेगाव तालुक्यातील पश्चिम आदिवासी भागात ही घटना घडली आहे. या घटनेने एकच खळबळ उडाली आहे.
आर्यन अरुण काळे (वय ११) आणि त्याची बहीण अंजली अरुण काळे (वय १५) अशी मृत भावंडांची नावे आहेत.
ही घटना गुरुवारी (ता.३) रात्री साडेआठ वाजण्याच्या सुमारास घडली आहे. या घटनेने काळे कुटुंबियांवर दुःखाचा डोंगर पसरला आहे. याप्रकरणी आदित्य जाधव यांनी घोडेगाव पोलिसात फिर्याद दिली आहे.
मिळालेल्या माहिती नुसार, गुरुवारी (ता.३) दुपारच्या सुमारास आंबेगाव तालुक्याच्या आदिवासी भागात असणाऱ्या गाडेकरवाडी येथील वरासुबाई मंदिराशेजारी असणाऱ्या ओढ्यामध्ये खेकडे पकडण्यासाठी आर्यन आणि अंजली गेले होते. त्यांना जाऊन बराच वेळ झाला.
मात्र ते आले नसल्याने त्यांचा घटनास्थळी जाऊन घरातील व्यक्तींकडून शोध घेण्याचे काम सुरू झालं. शोध घेता-घेता ते दोघेही ओढ्यामध्ये मृतावस्थेत आढळले. त्यांच्या तोंडातून फेस येत असल्याचे नागरिकांकाकडून सांगण्यात आले. त्यानंतर स्थानिक ग्रामस्थांनी त्यांना बाहेर काढले. त्यानंतर त्यांना घोडेगाव येथील रुग्णालयात दाखल केले. मात्र डॉक्टरांनी त्यांना मृत घोषित केले.
आज सकाळी त्यांचे शवविच्छेदन करून त्यांना नातेवाइकांच्या ताब्यात देण्यात आले आहे. पोलिसांकडून त्यांच्या मृत्यूचे कारण शोधले जात आहे. मात्र, प्राथमिक अंदाजानुसार, त्यांचा बुडून मृत्यू झाला असावा अशी माहिती समोर येत आहे.
