पुण्यात खळबळ! प्रमोशन पाहिजे तर ‘ती इच्छा पूर्ण करावी लागेल!! बँक अधिकाऱ्याची महिला कर्मचाऱ्याकडे मागणी…
पुणे : पुण्यात नुकतीच एका बँकेत काम करणाऱ्या महिलेने वरिष्ठ अधिकाऱ्या विरोधात विनयभंग केल्याची तक्रार दिली आहे. ही घटना जानेवारी २०२३ ते ७ जून २०२३ दरम्यान लष्कर भागातील अतुर चेंबूर परिसरातील बँकेच्या शाखेत घडली.
याप्रकरणी एका ३८ वर्षीय महिलेने लष्कर पोलीस ठाण्यात फिर्याद दिली आहे. त्यानुसार बुद्धभूषण गायकवाड याच्याविरोधात गुन्हा दाखल करण्यात आला आहे.
मिळालेल्या माहिती नुसार, शहरातील कँम्प परिसरात असलेल्या एका नामांकित बँकेतील अधिकाऱ्याने महिला कर्मचाऱ्यांना उशिरापर्यंत थांबवत तसेच कामावरून काढून देण्याची धमकी देत विनयभंग केल्याचा लष्कर परिसरात घडला आहे.
बुद्धभूषण गायकवाड हे नामांकित बॅकेत शाखा लष्कर क्रेडिट कार्ड विभागात आहेत. ते या विभागातील महिला कर्मचाऱ्यांना रात्री उशिरापर्यंत थांबवून ठेवत आणि कामावरून काढून टाकण्याची धमकी देत होते.
तसेच फिर्यादी यांना शिवीगाळ करून प्रमोशन हवे असेल तर अधिकाऱ्यांशी संबंध ठेवावे लागतील असे म्हणाले. फिर्यादी यांच्याबरोबर असणाऱ्या दुसऱ्या महिला कर्मचाऱ्यांना सुद्धा अश्लील भाषेत बोलत असल्याचे सांगितले आहे. पुढील तपास पोलीस उपनिरीक्षक गायकवाड करत आहेत.
