80sच्या काळात तुम्ही कसे दिसला असता? AIचा भन्नाट ट्रेंड व्हायरल; सिंगलपासून कपल फोटोसाठी 8 भन्नाट Prompt!

पुणे : सोशल मीडियावर सध्या 80च्या दशकाची जोरदार क्रेझ पाहायला मिळत आहे. इन्स्टाग्रामवर अनेक जण आपले सध्याचे फोटो कृत्रिम बुद्धिमत्तेच्या मदतीने थेट 1980च्या दशकातील फोटोंमध्ये बदलत आहेत. विशेष म्हणजे हा केवळ जुन्या फोटोचा फिल्टर नसून कपडे, हेअरस्टाइल, दागिने, पार्श्वभूमी, प्रकाशयोजना आणि फिल्मचा पोतही त्या काळाप्रमाणे बदलला जातो. त्यामुळे फोटो खरोखरच 40 वर्षांपूर्वी काढल्यासारखा भासतो.

तुम्ही 80s मध्ये कसे दिसला असता?

80च्या दशकातील बॉलिवूडचा लूक, मोठ्या आकाराच्या केशरचना, रंगीत साड्या, उठावदार दागिने, मिशी, हाय-वेस्ट पँट आणि अॅनालॉग कॅमेऱ्याचा फिल्म ग्रेन यामुळे हे फोटो विशेष आकर्षक दिसत आहेत. सिंगल पोर्ट्रेटपासून फॅमिली अल्बम, लग्नाचा फोटो, बॉलिवूड हिरो-हिरोईन, मासिकाचं मुखपृष्ठ आणि रेट्रो स्ट्रीट फोटोपर्यंत अनेक प्रकार तयार करता येतात.

80s फोटो बनवण्याची सोपी पद्धत

सर्वप्रथम स्पष्ट चेहरा दिसणारा फोटो निवडा आणि ChatGPTमध्ये अपलोड करा. त्यानंतर तुम्हाला हवा असलेला 80s लूक स्पष्ट करणारा प्रॉम्प्ट द्या. चेहरा, ओळख आणि नैसर्गिक त्वचेचा रंग कायम ठेवण्याची सूचना केल्यास परिणाम अधिक वास्तवदर्शी मिळू शकतो. पहिला फोटो अपेक्षेप्रमाणे न आल्यास केस, कपडे, पार्श्वभूमी किंवा प्रकाशयोजना बदलण्याचे निर्देश पुन्हा देता येतात.

हे 8 Prompt वापरून पाहा

1. क्लासिक बॉलिवूड पोर्ट्रेट: 1980च्या दशकातील भारतीय स्टुडिओ फोटोसारखा लूक, पारंपरिक कपडे, योग्य हेअरस्टाइल, उबदार प्रकाश आणि हलका फिल्म ग्रेन.

2. जुन्या फॅमिली अल्बमचा फोटो: साधी घरातील पार्श्वभूमी, त्या काळातील कपडे, नैसर्गिक प्रकाश आणि जुन्या छापील फोटोसारखा पोत.

3. 80s बॉलिवूड हिरोईन: मोठी हेअरस्टाइल, रंगीत साडी, उठावदार दागिने, स्टुडिओ लाइटिंग आणि जुन्या चित्रपटाच्या प्रसिद्धीफोटोसारखा अंदाज.

4. 80s बॉलिवूड हिरो: त्या काळातील हेअरस्टाइल, मिशी, शर्ट, हाय-वेस्ट पँट आणि क्लासिक स्टुडिओ बॅकग्राऊंड.

5. 1980s लग्नाचा अल्बम: पारंपरिक लग्नाचे कपडे, दागिने, सजावट, मऊ प्रकाश आणि जुन्या कुटुंबीयांच्या अल्बमसारखा फिल्म लूक.

6. 80s मॅगझीन कव्हर: जुन्या भारतीय मासिकातील संपादकीय पोर्ट्रेटसारखा मेकअप, हेअरस्टाइल, कपडे आणि स्टुडिओ सेटअप.

7. दूरदर्शन काळातील लूक: 1980च्या दशकातील साधा स्टुडिओ, त्या काळातील पोशाख, उबदार प्रकाश आणि अॅनालॉग फिल्म ग्रेन.

8. 1987चा रेट्रो स्ट्रीट फोटो: जुन्या काळातील रस्ते, वाहने, दुकानांचे फलक, कपडे आणि रंगसंगतीसह अस्सल फिल्म कॅमेऱ्याने टिपल्यासारखा फोटो.

एक गोष्ट मात्र लक्षात ठेवा!

AI तयार केलेल्या फोटोंमध्ये कधी कधी चेहऱ्याचे बारकावे, हात, दागिने किंवा पार्श्वभूमीतील वस्तूंमध्ये चुका होऊ शकतात. त्यामुळे फोटो शेअर करण्यापूर्वी तो नीट तपासा. तसेच हा फोटो AIने तयार केलेला काल्पनिक 80s लूक आहे, खरा जुना फोटो नाही, हे लक्षात ठेवणं महत्त्वाचं आहे.