यवत अल्पवयीन अत्याचार प्रकरण! आरोपी मयूर फडकेला 20 वर्षाचा कारावास अन् 20 हजार रुपयांचा दंड
पुणे : अल्पवयीन मुलीवरील लैंगिक अत्याचार प्रकरणातील आरोपी मयूर पांडुरंग फडके यास बारामती येथील जिल्हा न्यायालयाने 20 वर्ष कारावासाची शिक्षा आणि 20 हजार रुपयांचा दंड ठोठावला आहे.दौंड तालुक्यातील यवत पोलीस ठाण्याच्या हद्दीत सन 2022 साली आरोपीने अल्पवयीन मुलीवर अत्याचार केला होता. याप्रकरणी त्याच्यावर पोक्सो अंतर्गत गुन्हा देखील दाखल केला. याप्रकरणी जिल्हा न्यायाधीश बी. डी. शेळके यांनी हा निकाल दिला आहे.
या प्रकरणात आरोपीने फिर्यादीच्या अल्पवयीन मुलीवर राहत्या घरी वेळोवेळी अत्याचार केले.तसेच घटनेबाबत कोणाला सांगितल्यास जीवे मारण्याची धमकी दिल्याने फिर्याद देण्यास विलंब झाला होता. नंतर पीडितेने आई-वडिलांना प्रकार सांगितल्यानंतर यवत पोलीस ठाण्यात गुन्हा दाखल करण्यात आला. या गुन्ह्याचा तपास पोलीस अधिकारी केशव वाबळे यांनी केला. सरकार पक्षातर्फे विशेष सरकारी वकील कमलाकर शंकरराव नवले यांनी काम पाहत दहा साक्षीदार तपासले. पीडित मुलीने न्यायालय दिलेली ठाम साक्ष तसेच वैद्यकीय परिस्थितीजन्य पुरावे महत्त्वाचे ठरले.
या गुन्ह्यातील आरोपी मयूर पांडुरंग फडके याला पोक्सो कायदा, 2012 च्या कलम 6अंतर्गत शिक्षापात्र असलेल्या कलम 5(1), 5(एम) अन्वये दोषी ठरवून 20 वर्षांच्या सक्त कारावासाची आणि 20000 रुपयांच्या दंडाची शिक्षा सुनावण्यात आली.शिवाय दंड न भरल्यास 3 महिन्यांच्या साध्या कारावासाची शिक्षा, पोक्सो कलम 4: आरोपीला पोक्सो कायदा, 2012 च्या कलम 4 अंतर्गत शिक्षापात्र असलेल्या कलम 3अन्वये दोषी ठरवून 10 वर्षांच्या सक्त कारावासाची आणि 10000 रुपयांच्या दंडाची शिक्षा सुनावण्यात आली, दंड न भरल्यास 2 महिन्यांच्या साध्या कारावासाची शिक्षा आरोपी मयूर पांडुरंग फडके याला फौजदारी प्रक्रिया संहिता, 1973 चे कलम 235(2) अन्वये कलम 7अन्वये, लैंगिक गुन्ह्यांपासून बालकांचे संरक्षण कायदा 2012 च्या कलम 8अन्वये शिक्षेसाठी दोषी ठरवण्यात आले आहे आणि त्याला 3 वर्षे सक्तमजुरीची शिक्षा ठोठावण्यात आली आहे. रु. 5,000/- (रु. पाच हजार फक्त). दंड न भरल्यास, त्याला 2 (दोन) महिने साध्या कारावासाची शिक्षा भोगावी लागणार आहे.
भारतीय दंड संहितेच्या कलम 506 अन्वये दंडनीय गुन्ह्यासाठी प्रक्रिया, 1973 आणि त्याला २ वर्षांच्या कालावधीसाठी सश्रम कारावास आणि रु. 1,000/- (रु. एक हजार फक्त). दंड न भरल्यास त्याला 15 दिवस साध्या कारावासाची शिक्षा सुनावली आहे.याप्रकरणी यवत पोलीस ठाण्याचे पोलीस निरीक्षक नारायण देशमुख यांच्या मार्गदर्शनाखाली पुढील न्यायालयीन प्रक्रियेचे कामकाज सुरू होते. अशी माहिती यवत पोलीसांनी दिली.
