अपघाताचा थरार!अजित पवारांच्या राष्ट्रवादीच्या आमदाराला कारने उडवलं, गंभीर दुखापत
अमरावती: राष्ट्रवादी काँग्रेस अजित पवार गटाच्या आमदारांच्या वाहनाला भीषण अपघात झाला असल्याची माहिती समोर आली आहे. राष्ट्रवादी काँग्रेसचे विधान परिषदेचे आमदार संजय खोडके यांच्या दुचाकीला कारने जोरदार धडक दिली आहे. या अपघातामध्ये आमदार गंभीर जखमी झाले आहेत.
समोर आलेल्या माहितीनुसार,.अमरावतीमध्ये महानगरपालिका निवडणुकीच्या दृष्टीने आज कार्यकर्त्यांची बैठक आयोजित करण्यात आली होती. या बैठकीला आमदार खोडके दुचाकीवरून जात होते. याचवेळी त्यांच्या दुचाकीला कारने जोरदार धडक दिली. हा अपघात इतका भीषण होता की,आमदार खोडके दूरवर फेकले गेले आणि ते रस्त्यावर पडले. या अपघातात ते अधिक जखमी झाले. या जखमी झालेल्या आमदार संजय खोडके यांना उपचरासाठी रुग्णालयात दाखल करण्यात आले आहे.
दरम्यान या अपघातामध्ये आमदार खोडके यांच्या पायाला आणि मणक्याला गंभीर दुखापत झाली आहे. त्यांना तात्काळ उपचारासाठी अमरावतीच्या रिम्स हॉस्पिटलमध्ये दाखल करण्यात आले आहे. पोलिसांकडून कार चालकाचा शोध सुरू आहे.
