ईडीची नोटीस तर आली नाही ना ? ‘मी मोदी भक्त ‘म्हणणाऱ्या महेश कोठारेंना भाजप नेत्याचा फोन,..

पुणे : अभिनेते आणि दिग्दर्शक महेश कोठारे यांनी मी भाजपचा भक्त आहे, मी मोदींचा भक्त आहे.. असं वक्तव्य केल्याने राजकीय वर्तुळात चर्चाना उधाण आलं आहे.त्यानंतर आता भाजप नेते रमेश पाटील आणि महेश कोठारे यांची एक ऑडिओ क्लिप व्हायरल होत आहे. तुम्हाला ईडीची नोटीस आली का, असा प्रश्न त्यांनी कोठारेंना विचारला आहे.

अभिनेते आणि दिग्दर्शक महेश कोठारे यांनी बोरिवलीत आयोजित केलेल्या एका दिवाळी पहाट कार्यक्रमात पंतप्रधान मोदींचं भरभरून कौतुक केलं. त्याचसोबत मुंबईत भाजपचाच महापौर होईल, असा विश्वास त्यांनी व्यक्त केला. त्याचबरोबर मी भाजपचा भक्त आहे पंतप्रधान मोदींचा भक्त असल्याचा वक्तव्य त्यांनी केलं होतं.त्यांच्या या वक्तव्यावरून आता शिवसेना खासदार संजय राऊतांनी निशाणा साधला. “महेश कोठारे नक्की मराठीच आहेत ना? मला शंका वाटते. प्रत्येकाला मत व्यक्त करण्याचा अधिकार आहे. पण तुम्ही कलाकार आहात आणि तुमचे चित्रपट फक्त भाजपच्या लोकांनी पाहिलेले नाहीत”, अशी टीका राऊतांनी केली आहे..

ऑडिओ क्लिपमधील महेश कोठारे आणि रमेश पाटील यांच्या संवादामध्ये आम्ही तुमचे खूप मोठे फॅन आहोत. मी भाजपचा भक्त आहे, मोदींचा भक्त आहे, असं तुम्ही म्हणालात. तुम्हाला या विषयावर ईडीची नोटीस तर आली नाही ना? असं त्यांनी म्हटलं आहे त्यामुळे राजकीय वर्तुळात तर्कवितर्क लावले जात आहेत.