मोठी बातमी! सप्टेंबर -ऑक्टोंबरच्या हप्त्याकडे लाडक्या बहिणीच्या नजरा; एकत्र हप्ता मिळणार?

पुणे : महायुती सरकारने गेल्यावर्षी मोठ्या दणक्यात मुख्यमंत्री माझी लाडकी बहीण योजना सुरू केली होती.आतापर्यंत या योजनेच्या लाभार्थ्यांना एकूण 14 हप्ते मिळाले आहेत आणि लवकरच पंधरावा हफ्ता देखील पात्र लाभार्थ्यांच्या खात्यात जमा करण्यात येणार आहे. सप्टेंबर आणि ऑक्टोंबरच्या हप्त्याकडे लाडक्या बहिणीच्या नजरा लागल्या असताना आता फडणवीस सरकारकडून सप्टेंबरचा हप्ता वितरित करण्यासाठी तयारी सुरू करण्यात आली आहे.

काही दिवसांपासून सप्टेंबर आणि ऑक्टोबर या दोन महिन्यांचे पैसे दिवाळीच्या पार्श्वभूमीवर सोबतच लाडक्या बहिणींच्या खात्यात जमा करण्यात येतील अशा चर्चा सुरू आहेत.मात्र मिळालेल्या माहितीनुसार राज्य शासनाकडून महिला व बाल विकास विभागाकडे सप्टेंबरच्या हप्त्यासाठी 410 कोटी रुपयांचा निधी वर्ग करण्यात आला आहे.यामुळे सप्टेंबरचा आणि ऑक्टोबर या दोन महिन्यांचे हप्ते एकत्रित लाडक्या बहिणींना दिले जाणार नाहीत हे फिक्स झाले आहे. शासनाने फक्त सप्टेंबर महिन्याच्या हप्त्यासाठी निधी वर्ग केला आहे. जेव्हा ऑक्टोबरच्या हप्त्यासाठी सुद्धा निधी वर्ग होईल तेव्हाच ऑक्टोबर चा पैसा प्रत्यक्षात लाडक्या बहिणीच्या खात्यात जमा होणार आहे.

दिवाळीच्या आधी फक्त लाडक्या बहिणींना सप्टेंबरचाचं हफ्ता मिळणार आहे. दिवाळी झाली की मग कदाचित ऑक्टोबरचा हप्ता दिला जाईल. सरकारने सप्टेंबरच्या हप्त्यासाठी निधी उपलब्ध करून दिला असला तरी देखील अद्याप लाडक्या बहिणींना याचा लाभ मिळालेला नाही. पण येत्या काही दिवसात प्रत्यक्षात लाडक्या बहिणींच्या खात्यात या योजनेचा हप्ता जमा होणार आहे.