संभाजीनगरमध्ये भीषण अपघात, ऊसाच्या ट्रकखाली ११ मजूर अडकले, ६ मजूर ठार…
छत्रपती संभाजीनगर : अपघाताच्या घटनेत अलीकडे वाढ होताना दिसत आहे. सध्या अशीच एक छत्रपती संभाजीनगर जिल्यातून आघाताची मोठी बातमी समोर आली आहे. जिल्ह्याच्या कन्नड पिशोर रस्त्यावर उसाच्या ट्रकचा भीषण अपघात झाला आहे.
या अपघातात उसाच्या ट्रक खाली १७ मजूर दबले असल्याची माहिती पुढे आली आहे. या घटनेत ६ जणांचा मृत्यू झालाय, तर ११ जण जखमी असल्याची माहिती पुढे आली आहे. रात्री १२ ते १ च्या दरम्यान ही घटना घडली असल्याचे बोलले जात आहे.
मिळालेल्या माहिती नुसार, उसाच्या ट्रकवर १७ मजूर बसून प्रवास करत असताना अचानक ट्रक उलटल्याने सर्व मजूर त्याखाली दबले गेले. घटनास्थळी मोठ्या प्रमाणात गर्दी झाली असून, बचावकार्य सुरू आहे. या घटनेमुळे परिसरात हळहळ व्यक्त होत आहे.
प्रशासन आणि स्थानिक नागरिकांच्या मदतीने अडकलेल्या मजुरांना बाहेर काढण्याचे प्रयत्न सुरू आहेत. अपघाताचे नेमके कारण अद्याप स्पष्ट झालेले नाही. पिशोर खांडी येथे ट्रक अचानक उलटल्याने सर्व मजूर ऊसाखाली दबले. घटनास्थळी मदतकार्य सुरू असून, पोलिसांनी तातडीने घटनास्थळी धाव घेतली आहे.
दरम्यान, या अपघातात अनेक मजूर जखमी झाले असून, त्यांना तातडीने रुग्णालयात हलवण्यात येत आहे. प्रशासनाकडून बचावकार्य युद्धपातळीवर सुरू आहे, तसेच ट्रक उलटण्याचे नेमके कारण शोधण्याचे काम सुरू आहे.
