लाडक्या बहिणींना धक्का!! ज्या महिला नियमात बसत नाहीत, त्यांना दंडासह….; छगन भुजबळ यांनी दिला इशारा

मुंबई : राज्यातील लाडकी बहीण योजनेबाबत माजी मंत्री आणि राष्ट्रवादी नेते आमदार छगन भुजबळ यांनी एक महत्त्वाचे वक्तव्य केले आहे. 12 जानेवारी 2025 रोजी, भुजबळ यांनी या योजनेच्या नियमांत बसत नाहीत असलेल्या महिलांना स्वत:हून नावं काढून घ्यावीत, असे आवाहन केले आहे. तसेच त्यांनी अजून एक वक्तव्य केले आहे.

भुजबळ यांनी स्पष्ट केले की ज्या महिला या नियमांत बसत नाहीत, त्यांनी स्वत:हून आपली नावं मागे घ्यावीत. अन्यथा त्यांच्याकडून दंडासह रक्कम वसूल करण्यात येईल. यामुळे लाडक्या बहिणींची चिंता वाढली आहे. लाडकी बहीण योजना ही विधानसभा निवडणुकीत महायुतीला मोठं यश मिळवून देणारी एक प्रमुख योजना होती.

महिलांना या योजनेअंतर्गत प्रतिमहिन्याला 1500 रुपये देण्यात येत आहेत. मात्र, ही योजना सरसकट सर्व महिलांसाठी नाही. कुटुंबाचं उत्पन्न अडीच लाखांहून अधिक नसावं, चारचाकी वाहन नसावं, आणि एका घरात दोन महिलांना हा लाभ घेता येत नाही, इतर काही नियम आहेत.

आता भुजबळ म्हणाले, आतापर्यंत मिळालेले पैसे परत मागण्याचा अर्थ नाही, मात्र यापुढे नियमांत बसत नाहीत असलेल्या महिलांनी स्वत:हून नावं काढून घ्यावीत. मागचं जे झालं, ते आपण आपल्या लाडक्या बहिणींना अर्पण करुन टाकलं, पण आगामी काळात या योजनेचे नियम अधिक कठोर होणार आहेत.

विधानसभा निवडणुकीनंतर, सरकारने ज्या महिला नियमांत बसत नाहीत त्यांना या योजनेतून वगळणार असल्याचे सांगितले होते. यावर भुजबळ यांनी हे मोठं वक्तव्य केलं आहे ज्यामुळे या योजनेच्या लाभार्थ्यांमध्ये एक नवीन माहिती आहे.