धक्कादायक! उधारीचे पैसे मागितल्याचा राग, डोक्यात दगड घालून तरुणाचा खून, पुणे जिल्ह्यातील घटना..

नारायणगाव : गेल्या काही दिवसांपासून गुन्हेगारीच्या घटनांमध्ये वाढ होत आहे. किरकोळ कारणावरून खून, खुनाचा प्रयत्न यांसारखे गुन्हे घडताना दिसत आहे. असे असताना आता आठवडाभरापूर्वी उसने दिलेले शंभर रुपये चारचौघांमध्ये परत मागितल्याच्या कारणावरून तसेच शिवीगाळ केल्यावरून एकाने डोक्यात लाकडी दांडका व दगड घालून हत्या केली.

ही घटना पुणे जिल्ह्यातील नारायणगावात शुक्रवारी (दि.13) रात्री घडली. याबाबत पोलिसांनी दिलेल्या माहितीनुसार, आरोपी राहुल भाऊसाहेब गुळवे (वय 32, रा. शिपलापूर पानवडी, तालुका संगमनेर, जिल्हा अहिल्यानगर, सध्या रा. बाजारतळ नारायणगाव) याने आठ दिवसांपूर्वी बाळू महादेव पोखरकर (वय ४९. रा. खोडद, ता. जुन्नर) याच्याकडून दारू पिण्यासाठी शंभर रुपये उसने घेतले होते. हे पैसे आठ दिवसांपासून सतत परत मागणे आणि शिवीगाळ केल्याच्या कारणावरून आरोपी गुळवे याचा पोखरकर याच्यावर राग होता.

दरम्यान, याला शुक्रवारी (दि.१३) रात्री आठ वाजण्याच्या सुमारास बस स्थानकापासून नारायणगाव येधीत मुक्ताई देवी यात्रा मैदानात ओढत नेऊन डोक्यात लाकडी दांडके व दगड घालून खून केला.

दरम्यान, नारायणगाव पोलिसांनी 24 तासांच्या आत ही घटना उघडकीस आणली. नारायणगाव बस स्थानकाजवळील सीसीटीव्ही फुटेज तसेच प्रत्यक्षदर्शीच्या जबावावरून आरोपीचा शोध घेतल्याचे पोलिसांनी सांगितले.