Weather Update : बळीराजाची चिंता वाढली! महाराष्ट्रासह अनेक राज्यांत पावसाची शक्यता, वाचा राज्यात कुठं बरसणार पाऊस…
Weather Update : बंगालच्या उपसागरावरील बाष्पयुक्त वाऱ्यांमुळे बुधवारपर्यंत संपूर्ण दक्षिण भारतात मुसळधार पाऊस पडण्याचा अंदाज आयएमडीने वर्तवला आहे. बुधवारी देशात विविध ठिकाणी पावसाची शक्यता वर्तवण्यात आली आहे. हवामान विभागाच्या अंदाजानुसार, दक्षिण भारतात जोरदार पावसाची हजेरी पाहायला मिळणार आहे.
आयएमडीने वर्तवलेल्या अंदाजानुसार, पुढील २४ तासांत तमिळनाडू किनारपट्टी भागात काही ठिकाणी मुसळधार पावसाची शक्यता आहे.त्यासोबतच पूर्व राजस्थान, पश्चिम मध्य प्रदेश, मध्य महाराष्ट्र, तामिळनाडू, पुद्दुचेरी, कराईकल, किनारी आणि दक्षिण अंतर्गत कर्नाटक, केरळ, माहे आणि लक्षद्वीपमध्ये गडगडाटासह पावसाची शक्यता आहे.
बंगालच्या उपसागरावरील बाष्पयुक्त वाऱ्यांमुळे बुधवारपर्यंत संपूर्ण दक्षिण भारतात मुसळधार पाऊस पडण्याचा अंदाज आयएमडीने वर्तवला आहे. उत्तरेकडे वेस्टर्न डिस्टर्बन्समुळे मंगळवारी संपूर्ण उत्तर भारत आणि लगतच्या भागात वातावरणाचा परिणाम होण्याची शक्यता आहे. Weather Update
यामुळे ९ जानेवारी रोजी जम्मू, काश्मीर, लडाख, गिलगिट, बाल्टिस्तान, मुझफ्फराबाद, हिमाचल प्रदेश, उत्तराखंडमध्ये जोरदार बर्फवृष्टी होण्याचा अंदाज आयएमडीने वर्तवला आहे. वायव्य भारत आणि मध्य भारताच्या मैदानी भागात हलका पाऊस आणि बर्फवृष्टी होण्याची शक्यता आहे. उत्तर मैदानी प्रदेशासह ईशान्य भारतात अनेक दिवस दाट ते दाट धुके पडण्याची शक्यता आहे.
दरम्यान, आज ९ जानेवारीला महाराष्ट्र आणि गुजरातमध्ये काही ठिकाणी गडगडाट आणि विजांच्या कडकडाटासह हलका ते मध्यम स्वरुपाचा पाऊस पडण्याची शक्यता आहे.
